689話有睇港隊最後8分鐘嘅比賽，陳七都忍唔住要暗寸佢。(網上圖片)
港足昨晚(24日)作客挑戰卡達在世界盃亞洲區外圍賽以0:2敗陣，無緣晉級，賽後有唔少到現場支持港隊的球迷及教練金判坤均難掩失望之情。不過在賽後的記者會上，金判坤對港隊的表現有高度的讚賞:「感謝我們所有球員都盡了力，去面對亞洲其中一個最強的對手。這是（小組排第3）我們目前的景況，今次是很好的經驗，期待未來我們能繼續進步，我很感謝每一位球員的付出。」而偉大嘅689(梁振英)竟然有睇最後8分鐘嘅賽事，仲成功吸引到2.8萬個嬲嬲公仔，真係好強啊。
689喺港隊比賽完後就話自己有睇最後8分鐘比賽。(網上圖片)
陳七好快就喺fb回應689嘅言論。(網上圖片)
689梁振英昨晚喺港對作客卡達賽後，就喺自己fb上載一張足球相，仲留言咁講:「港隊對卡達。在博鰲亞洲論壇開完會，已經沒有返港的航班，要經深圳返港，回到禮賓府，趕及看港隊對卡達電視直播的最後八分鐘。港隊最後輸零比二，實在雖敗猶榮。這是有一年我在一個香港足球隊籌款晚宴上拍賣得來的足球。」而家突然講波，689唔係喺2014年嘅時候講過體育界對香港經濟無貢獻咩?
雖然留唔到言俾689，不過網友喺分享時都痛鬧689，仲話佢呃嬲。(網上圖片)
呢位到現場支持港隊嘅小球迷見到港隊輸波都忍唔係流下男兒淚。(網上圖片)
港足其中一位成員陳七(陳肇麒)忍唔住，半小時後喺fb暗寸689:「8分鐘，你睇到嗎？體育界冇貢獻？但體育可以凝聚民心，得到支持。香港足球，重新出發吧！」同時都感謝球迷支持:「眼淚，代表有期望」。
14年10月，梁振英出席仁川亞洲殘疾人運動會香港代表團返港歡迎儀式後，被問到會否收回曾講過：「公民提名會令政府政策傾向月入少於14,000元人士」嘅言論時，強調選舉制度要均衡參與，以體育界同宗教界為例，稱呢兩個界別雖然無經濟貢獻，都可以參與選委會投票選特首。