上星期方力申與鄧麗欣(Stephy)透過公司宣布分手，結束十年情，震驚娛樂圈，好多人都對呢對襯到絕嘅情侶分開無不感到惋惜。
分手聲明發出後，小方喺上周出席活動後接受訪問回應分手一事，期間傷心落淚，並話Stephy曾對佢講唔好意思，因為要佢一個人面對公眾。咁呢段時間Stephy去咗邊呢？原來系台灣！
同性密友曝光？
今日有香港媒體話，Stephy早前飛到台灣與同性密友鄧衍敏(小牛)蜜會，2人喺旅遊勝地日月潭攬腰自拍，狀甚親昵；之後就由小牛帶路四處吃喝玩樂，報道更指小牛就系Stephy嘅新歡，所以狠心同小方分開！哇！作到咁大呀喂！
去台灣蜜會？
Stephy上周六(19日)被影到單拖到台灣，表面參加當地法會，其實系密會小牛！報道話Stephy成程以黑口罩遮面，明顯好有戒心，直至入寺廟後，先拉低口罩。翌日(20日)，佢同小牛去咗蜜會勝地日月潭，美景當前，2人即以「神棍」攬曬腰自拍，更喺附近漫步，又買水果又食茶葉蛋，2人一時四目交投，一時咬耳仔，細聲講大聲笑，而Stephy期間亦被小牛氹得好開心，亦不時甜絲絲望實小牛微笑，如沐春風個樣似喺度拍拖！
到三日(21日)，小牛帶Stephy去嘆肉粽，仲喂Stephy食，好體貼！之後小牛駕車載Stephy入住台北一間酒店，仲幫Stephy搬行李，勁man！當晚二人全晚留喺酒店，未有外出！第四日2人明顯戒心冇咁重，以黑色情侶裝到到公園散步，全程有講有笑，表現親密！
同新歡好夾？
現年32歲、暱稱小牛嘅鄧衍敏乃台灣排球名將，曾代表台北出戰世界大學運動會及亞運會，近年則喺台北市立大學擔任女排隊教練，成績不俗。據知小牛能成功奪Stephy芳心，皆因小牛除了一樣熱愛排球之外，更系一個生活十分有規律嘅人，不愛夜蒲好顧家，閒時會陪父母四處逛，表現孝順！加上又有養寵物，咁有愛心！
唔通～唔通～唔通～Stephy佢～真系～～？！
金句王
微信號：jinjuking