噚晚(20日)唯萎喺大台學術性節目《男人食堂》中出現不但冇乜人投訴，甚至吸引大批網民瘋傳有關節目片段。(電視畫面)
噚晚(20日)「唯萎」梁烈唯喺大台學術性節目《男人食堂》中出現唔單止冇乜人投訴，甚至吸引大批網民瘋傳有關節目片段，真係估大家唔到，原來係因為《男人食堂》教人講粗口，而Ben sir生動嘅講解令到唔少人睇到笑爆咀，所以有唯萎一樣照瘋傳囉。
Ben sir喺《男人食堂》中大講「粗口」。(電視畫面)
現任香港中文大學中國語言及文學系高級講師嘅Ben sir(歐陽偉豪)噚晚(20日)喺大台播出街嘅學術節目《男人食堂》中教大家講粗口兼講解粗口文化，而擔任節目嘉賓嘅唯萎就負責問有關粗口的問題，Ben sir就以一貫抵死風格解答唯萎的粗口問題，鬼咁搞笑，所以網友咪瘋傳囉。例如在節目中，Ben sir咁樣講粗口:「粵語粗口嘅核心成員有五個，其中一個動詞係大將軍，率領住其餘四個性器官名詞，有三個屬於男性，二個屬於女性。」而佢喺講解期間，更有幾次忍唔住要邊講「粗口」邊笑，呢一part係最令網友笑爆咀的。
呢一集《男人食堂》令到好多網友睇完都話笑到鬆唔到。(電視畫面)
「粗口」要點講就唔教大家喇，但好多網友睇完都話笑到鬆唔到，都因為咁而忘記咗唯萎嘅存在，正皮多過負皮，所以原來大台用呢一招係可以令唯萎起死回生的，唯萎要多謝Ben sir喎。