日本知名即炸薯片店Calbee Plus昨日(21日)正式殺入香港，吸引勁多港人前往朝聖。(網上圖片)
仲記唔記得數月前一名牌朱古力雪糕推出買一送一優惠後即時吸引成千上萬港人大排長龍，塞滿成個商場，為的就是買優惠雪糕再影相放上網呃like?無錯，唔少港人為咗呃like真係可以不惜一切，就算俾人話「港豬」一樣照做。唔信?昨日(21日)日本一知名炸薯片店Calbee Plus正式登陸香港，喺灣仔開第一間香港分店，引來勁多港人前往朝聖打咭呃like。
條人龍長到見唔到龍尾。(網上圖片)
噚日又行雷閃電又落大雨，但仍有唔少港人喺未開店前已經在店前排曬隊，等食頭啖湯之後影相放上網呃like。(網上圖片)
Calbee Plus以即炸薯片及雪糕薯片而聞名。(網上圖片)
雖然噚日既行雷閃電又落大雨，但仍有唔少港人喺未開店前已經在店前排曬隊，等食頭啖湯之後影相放上網呃like，有網友經過灣仔見到呢個情況，忍唔住影咗一系列嘅放上網同其他網友分享港人又大排長龍嘅情況，如圖所見，條龍長到好似睇唔到龍尾咁。
不過Calbee Plus賣的薯片一點也不便宜。(網上圖片)
Calbee Plus真係即叫即炸的。(網上圖片)
數月前知名朱古力品牌Godiva推出雪糕買一送一優惠吸引全城港人瘋搶。
以薯片嚟講，Calbee Plus所賣的價錢絕不便宜，最平都要29蚊先有交易，不過佢嘅賣點係即叫即炸及部份口味會配上雪糕，所以喺日本大受歡迎。有網友睇完以上嘅相後就大罵佢哋係「港豬」，仲話投票都冇咁多人;而最多網友講嘅，就係直指排隊的港人「蠢」及「白痴」，不過就算點樣俾人話都好啦，「買一送一」完出即炸薯片咪一樣照排。