你覺得女友重要、定系朋友重要呢？答案可能話唔埋，不過一世咁長，你無女就得啫，無兄弟點得啊？小編即刻就帶各位男仔一齊睇下兄弟究竟幾有用！
1. 無錢嘅時候
每次到咗月底就窮到褲穿窿，問老母攞錢會俾佢鬧死，同女朋友借錢又覺得失禮，雖然有啲衰，不過最後嘅結果梗系問你兄弟借啦！
搵兄弟雖然真系借錢嘅好去處，但亦都唔可以因為交情好就成日問人地借錢俾你。小編身邊就有過呢種一到月底想借錢嘅好朋友，雖然大家一開始都好同情咁借給他，但系耐咗之後就發現佢ALWAYS拖好耐先肯還，甚至系拖到連你自己都唔記得咗曾經借過錢俾佢，久而久之大家都慢慢唔想借了。
所以啊！有借有還再借不難，兄弟系小編心中借錢嘅首選呀喂！
▲等有咗錢仲系要還架嘛！
2. 想行街買衫嘅時候
男生一路都比較少行街嘅，平時難得行街都系陪女性朋友or女朋友，一般都系幫佢哋拎嘢。但系我哋男仔有時都一樣想行下街睇衫，又唔可能叫女仔陪我哋一起撿，啲女仔唔系自己買high咗，就會覺得好無聊，為咗避免呢種情況發生，就只有出動兄弟啦！
小編都好鍾意同翻兄弟一齊出去買衫，而且最好系果種夠曬fashion又有主見嘅朋友，咁就唔使自己拗曬頭，仲可以直接叫佢幫你襯全套，我只要睇下有無啱心水嘅，然後出錢就搞掂！
▲唔使諗咁多就可以買到超有型嘅新衫，開心到爆！
3. 失戀、嗌交嘅時候
有時難免會同女朋友嗌交，但明明我無錯啊嘛！真系成肚苦水。或者莫名其妙被女朋友短訊話分手or打開房門竟然見到女朋友同陌生男人喺張床度！？WTF！咁大打擊搵邊個哭訴啊？唔好話我聽你會喊住搵媽咪，搵兄弟先啱！
▲呢種全世界得翻我一個無人哭訴嘅孤獨感，小編嘅好朋友阿強都經歷過啊！
喺你失戀嘅時候，如果同屋企人講又驚佢哋擔心，好多人就會即刻搵找身邊嘅好朋友哭訴，畢竟好朋友就是平常搞搞震震、需要果陣時又好溫暖嘅一班人，難得傷心一次，即管同佢哋好好傾下，仲可以加深你哋嘅感情！
▲無李大仁呢種扮可愛嘅功力，都系靠朋友俾意見實在啲！
4.遇到挫折嘅時候
男仔都系比較要面，有啲嘢會擺喺心入邊，唔好意思同女朋友講。譬如話工作唔順、被上司刁等等，或者屋企人嗌交，又或者One Night Sex之後唔小心得咗性病，呢種難以對他人啟齒嘅嘢，就只有對至親buddy buddy先可以放心大聲講！
阿強話記得以前大學啱畢業、開始搵嘢做嘅時候，投咗好多間公司，但等咗兩個月都無消息，令人覺得好折墮，唔想屋企人擔心，佢就只系將煩惱講俾我哋呢幫老友聽，就算無乜用，都覺得個心舒服好多。
5.半夜無聊嘅時候
平時半夜沒嘢做又瞓唔著，想打LOL、買啲滷味，或者兄弟幾個一齊坐喺廳玩下桌遊打下牌、劈酒，消磨下無聊嘅深夜時間，唔理第二日要唔要翻工，開心最重要！
又或者你半夜瞓唔著覺、將心情PO上朋友圈，竟然見到兄弟喺半夜仲回覆你嘅動態，呢種時候絕對系要嚟敲下對方，一起度過無聊嘅夜晚、傾下工作或者日常小事。！
6.想溝女又唔知點算嘅時候
無理依家睇緊微信嘅你系幾歲，是必都經歷過初戀或者暗戀，果啲酸酸甜甜嘅美好時光，想同女仔講又唔咁，個心真系唔上唔落，最後只好求有經驗嘅手足賜教，用啲依家諗返都仲會發笑嘅方法嚟接近自己鍾意嘅女仔。
其實除咗毫無經驗嘅初戀之外，小編身邊亦都有果種就算已經身經百戰，但每次要告白嘅時候仲系會緊張到一直問人哋意見嘅朋友，就知，就算自己已經心中有數，偶而仲系會需要兄弟們嘅支持鼓勵。
睇完今日呢啲一定要有好兄弟喺度嘅6大時刻，有無覺得莫名熟悉，甚至系諗到咗果個陪你一齊經歷過好多嘢嘅好兄弟呢！一個人一生會遇到好多人，但成為好兄弟嘅真系好少，希望各位男仔一定要好好珍惜你依家諗到嘅果個兄弟！
金句王
微信號：jinjuking