好多年輕人都有一架自己最愛嘅跑車
AE86, FD3s, GTR, NSX 呢啲跑車相信無咩人會覺得陌生
而我第一次同NSX相遇係17歲嘅時候
有一晚我返緊屋企，突然隔住耳機聽到好響嘅引擎聲
一望就見到架鮮紅色嘅NSX跑過，由呢刻開始佢就成為咗我嘅Dream Car
NSX同其他跑車唔同，只係V6引擎，不過個個都話好順手
時間一年一年咁過，22歲我出嚟做嘢嘅時候對佢一見鐘情
5年後27歲嘅我，面臨一個生死決擇
世伯話無層樓唔使旨意娶佢過門
拎住死慳返嚟嘅60萬，對底要選擇10年前嘅夢想定眼前嘅現實、同對方一生嘅承諾？
最後，我好唔好彩中咗居屋，我架NSX就供咗落層樓度
時間又一年一年咁過，個仔出世
呢個時候GT86, RX vision, R3幾, NSX2.0都已經變咗舊車
到呢個時候，老婆話你買架30幾年嘅跑車係咪想離婚呀?
結果，我搵咗架二手四門寶馬，雖然冷氣唔係幾夠凍，不過自動波又幾順手
到個仔大學畢業，我去佢畢業典禮嘅時候畀架GTR爬我頭
我啲眼淚就開始流
點解我連自己面前嘅夢想都可以放棄
作為一個普通人，做樓奴，老婆奴，成世為層樓晚晚OT
漸漸忘記咗十幾歲應承過自己嘅嘢，最後都係過住平凡嘅人生
到底一個平凡嘅人生係咪真係值得一個少年放棄佢嘅夢想？