近排有絲打大呻同靚女做朋友好辛苦。(網上圖片)
樣靚嘅人永遠都會比樣子普通的人更多著數、喺生活上更有優勢;例如見工、溝仔、甚至去街市買餸，老闆都送多條蔥俾你啦!不過同靚嘅人做朋友的人感覺未必好好受喇，好似以下呢位同靚女做朋友的絲打咁唔止唔享受，仲辛苦咗自己添。
絲打話靚女朋友令到佢好大壓力。(網上圖片)
近日喺討論區有位絲打開PO大呻，話自己同靚女做好朋友好辛苦，因為喺好多事上面，靚女朋友都俾咗好大壓力俾佢。絲打話同靚女朋友係在讀書時認識的，而在中學時期，靚女朋友已不乏追求者，但對當時仍戴著金絲眼鏡、紮著老土馬尾、條裙長過膝頭、塊臉又多暗瘡嘅絲打嚟講，絲打只可以羨慕;到大家一齊讀大學時，絲打開始打扮，對自己個樣有要求啦:「後來中學畢業，我哋齊齊讀同一間U(大學)，仍然好姐妹，上堂落堂食飯出街都一齊，佢打扮都係好hea，有男朋友但仍然有人追，我唔甘心，開始學打扮，又染髮又買衫又戴con，係咁美白，雖然冇咩用，但好多人都話我變咗好多，靚咗好多。」不過變靚後嘅絲打都係覺得輸俾靚女朋友:「但始終都係唔夠佢靚，始終啲人走過嚟，都係想識佢...」
%INLINE%
面對呢個問題，絲打話好大壓力，甚至仲遇過咁嘅個案:「辛苦在所有男仔嘅目光都係放喺佢度，辛苦在個個人都會將我同佢比較，甚至聽過有人為咗哄佢而踩低我。」因此令絲打覺得好似永遠都追唔上靚女朋友，亦因為咁令自己好大壓力，仲話個天好唔公平、佢自己只係一個用嚟襯託靚女朋友嘅人喎。
正如網友們所講咁，絲打唔一定要凡事都要同靚女朋友比較嘅，每個人都有自己的優點，唔好因為外表唔夠人靚而辛苦自己啦，正所謂各花有各眼，唔係人人都覺得Angelababy靚㗎。