我阿媽一路都無同我講過「你系時候著bra喇」。
我嘅第一件bra系果種俗稱「砵仔糕」嘅好扁胸墊嘅胸衣（其實都唔算得上胸圍吧…）；
果陣，果個sales問：要唔要試下啊？
我驚試果陣俾佢見到我就系傳說中嘅AAA級咁點算？
就掟低句「唔使，唔該」埋單走咗。
以前中學時代，見住其他女仔個胸都隆起，自己心諗：遲啲就大嘅喇。
每日飲木瓜奶、食過豐胸食療、豐胸藥、擦過豐胸膏、信過無數次呃人廣告而付出各種代價。
但個胸，佢就系咁頑固、咁平。但要我隆胸，我真系做唔到，點可以為咗變靚就咁殘害自己身體？
但你又明唔明白果句「其實個胸細過AA cup不如唔好著bra喇」有幾不近人情啊？或者一句笑話「身材生到似老豆」又有幾難堪？
好似焦慮症上身咁，就連朋友笑人哋飛機場，我都幾乎要懷疑佢唔笑我嘅原因。
淘寶買過、到內衣店試過買A cup嘅bra，但最後都唔會著，因為真系好唔啱身，點著啊？仲要買多個A級Nude Bra著喺bra入邊先得；因為我連攞去退貨嘅勇氣都無：咩話？連A cup都戴唔上身，會俾人鄙視嘅！
交朋友或者男朋友，總會自卑；如果朋友「波濤洶湧」，自己就一眼望到落腳，就覺得好down；總系好驚同男朋友上完床之後，會因為覺得「好無手感」想同我分手，唯有落力啲嗌，作為一種補償、補償佢對手唔可以得到快感……
『金粉』JuliaKess投稿
即系咁，小編就覺得，其實女人無人想AAA cup、做飛機場，就正如男人無人唔想自己丁丁大。邊個唔想自己生到成個模特兒咁？但你想就得嘅咩？點解男人成日要比較女仔身材？既然你無能力變大啲你丁丁，你亦都無權評價女仔嘅身材。
其實平胸又點啫？鄭秀文都系平胸，未一樣咁成功？小編真系唔care咯。
金句王
微信號：jinjuking