同女友離離合合都3年…
自問女友真系絕世好女人，識煮飯煲湯，細心專一，無微不至。
但唔知點解，自從舊年6月起我哋就無性行為（我一直都冇偷食）。
我覺得大家都愛對方所以就覺得無性都無所謂。
但繫到咗9月份就出事，個晚同朋友去飲酒飲到咁上下，都成3點鐘…
跟住見到隔離檯個女仔自己坐繫到，佢D朋友又出咗去玩。
咁我就犯賤走去撩隔離檯個女仔傾計…
傾傾傾……傾咗3個鐘，傾到6點，大家第日要返工先捨得走。
咁當然抄埋牌啦。咁之後一路都有聯絡，大家都知大家都有好感…
而佢間唔中都會呷醋我有女朋友，所以佢好忽冷忽熱。
有時會幾日都唔搵大家，有時就好sweet咁出街睇戲食飯。
咁佢份人都唔錯嘅，系有時唔知佢諗咩，但感覺同佢夾過同開心過我女友…
佢又會叫我唔好因為佢而同我女友分手，佢話會內疚一世。
而同佢…最近都發生咗關係，呢種感覺好耐都冇出現過…
依家日日都只系掛住佢…
有時大家唔搵大家嘅時候，佢會忍唔住搵我，跟住就問我有無掛住佢。
我答有，佢就話次次都系我主動同你傾電話傾微信，你都主動搵過我！
其實個D好簡單嘅甜言密語，我真系未同女友講過…
或者我唔愛我女友…或者我只系貪新鮮…或者真系好衰格…點算？！