《潮流教主》劇中飾演「紀芸芸」的李佳芯(Ali)，演出令人難忘，深受歡迎，成功在一眾花旦小生中突圍而出，成為近日最響噹噹的名字！究竟呢位《潮流教主》邪花真身又是如何呢？《新地網》為你解開！
Ali今次在劇中飾演「紀芸芸」，本來系一個衣食無憂的名媛，點知老公突然走佬，所以就加入時尚雜誌「MODES」擔任廣告部總監一職，同「潮流教主」陳豪明爭暗鬥。一出場就演活一個名媛的傲氣，不久後流露出奸險、不擇手段的一面，令人難忘。而作為名媛兼廣告部總監，Ali每集出場都系咁明艷照人，尤其系集集都短裙高踭鞋大曬長腿，難怪引來一班男性觀眾晚晚坐定定等佢出場！
1982年出生的Ali今年33歲，除咗樣貌娟秀、笑容甜美，仲散發出一種獨特氣質… 無錯，就系仙氣！大家睇《學是學非》時，可以見到Ali具備一種少女(同佢年紀不成正比)的傻氣；但在劇集中又可以展露成熟女性的嫵媚，令觀眾喜愛有加。同另一位小花，拍劇唔多的Ali明顯地極有觀眾緣！
學生時代的Ali已經美人胚子出曬嚟，絕對系天然美女！
素顏一樣好睇得！
同其他大台姐仔唔同，Ali平時的服飾都系由簡單為主，所以在台慶、香港小姐等大型活動時，見到Ali會露多少少肉，已經系好難得啦！現時曬奶成風、波神咪神泛濫，Ali可謂一道清泉！
Ali 2008年起在有線電視擔任節目主持，當時仲系用自己本名李嘉馨，不過默默耕耘多年，發展依然平平。雖然未有代表作、名氣未算大，不過Ali都憑住標緻面孔成功吸納唔少支持者！
去到2012年，Ali由有線轉投無線旗下，13年時與黃心穎、梁嘉琪等人主持《學是學非》，節目大受歡迎下幾位「是非精」成功入屋，Ali亦從此廣為觀眾認識。不過講到Ali最引人注目的演出，就一定系《名門暗戰》！
Ali在《名門暗戰》中飾演岳華情婦Ivy，姣到出汁又風騷，仲同黃浩然有場激烈床戲！Ali在劇中大部分時間都系短裙曬長腿，加上一雙勾魂電眼，勾走曬一班男觀眾的魂魄！Ali仲話當時出街試過俾師奶鬧佢似足狐狸精，不過唔緊要，咁即系代表角色深入民心，觀眾記得！
之後在《倩女喜相逢》中飾演九尾狐，繼續老本行！
成功上位後，Ali嚟緊在重頭劇《律政強人》中與兩大好戲之人方中信及廖啟智合作，足見TVB對Ali的器重。而有「港版李察基爾」之稱的方中信接受訪問時，仲話如果自己年輕二十載就一定會追求Ali！可見無論年輕宅男還是成熟型男，在Ali面前都毫無招架之力！
另外前視帝羅嘉良多年後回巢拍的第一部劇《與諜同謀》，亦系由Ali擔任女主角，其花旦地位可見一斑！而且相信觀眾都唔介意在將來的劇集經常見到Ali。