要「爽皮」其實唔難，生活中就有好多嘢，足以令你瞬間爽爆。嗱，以下呢10件「爽皮」事，你一定做過！
1 有時喺街搵唔到廁所，忍屎忍尿真系好辛苦。當你搵到廁所，坐喺馬桶上面盡情爆發嘅一瞬間，真系好鬼爽。
2 冬天喺被窩裡面訓醒嘅時候，突然醒起今日系星期日，唔使返工，可以繼續訓覺都系好正嘅事。
3 鼻塞真系好辛苦，尤其系訓覺前鼻塞，但突然通返嗰一刻，真系謝天謝地。
4 突然身痕真系好難頂，但用手撓到痕嘅地方，真系成個人都舒服曬。
5 有時耳仔塞塞哋，仲感覺到裡面藏住好多耳屎，搞到周身唔舒服，呢個時候最需要一支棉花棒，真系最高享受！
6 有時唔小心send錯訊息，確實系幾丟架，如果咁好彩成功收返個訊息，真系會開心到飛起。
7 第一次著買返嚟嘅新衫，真系會覺得自己系全世界最靚、最有魅力嘅人！
8 當自己遲到，擔心緊會俾人鬧嘅時候，突然對方話你知佢要遲少少，你當然勁開心咁話冇問題喇。
9 買新電腦、新電視當然興奮喇，但最興奮嘅梗系撕保護膜落嚟嗰瞬間。
10 當你用完一舊擦膠、或者用完一支唇膏，嗰下真系同高潮一樣咁滿足。