每個人心入邊都有一首陳奕迅，eason十大經典國語金曲 首首你都識唱啦。有人話：「每個人心入邊都有一首陳奕迅」，系因為陳奕迅嘅歌聲同埋歌詞總系可以唱入人嘅心裏面，仲可以勾起某段刻骨銘心的回憶或感情，聽完就有種「點解可以同我依家嘅心情咁鬼貼近！」嘅感覺，呢種感動人心嘅能力，就系點解陳奕迅可以喺歌壇叱吒風雲咁耐嘅其中原因吧！而且陳奕迅都系唯一一位喺台灣金曲獎兩度攞咗金曲歌王獎（仲要兩次都系打敗學友）嘅香港歌手，唔難睇出佢系台灣受歡迎嘅程度之高！
依家啲人講開E神，都系講佢啲粵語金曲，行唔行啲呀！今日我哋就特別選出E神嘅十大國語歌曲，一齊跟住小編睇下有無你鍾意果只歌喇！
10.婚禮的祝福 1999
呢首《婚禮的祝福》收錄系1999年嘅國語專輯裡面，已經有17年喇，MV入邊E神真系好鬼後生啊（嗱～小編唔系話E神依家老嘅意思啊）！歌詞入邊男主角受邀參加前女友嘅婚禮，咁殘忍嘅事情就算系最堅強嘅男人都好難忍受架！
如果真系有啲咁慘嘅經驗嘅男仔一定一秒就俾佢擊中痛點，無咁嘅經驗嘅男仔都學到教訓——如果接到咁嘅邀請：千奇唔好去啊！
具體參考『金句王』之前文章《前度結婚請飲，你會唔會去？》詳見1樓
9.你的背包 2002
呢首《你的背包》，雖然字裡行間並無直接講到感情，但其實聽完之後硬系會有種哀傷縈繞繫心入面，點解咧？
其實呢首歌入面都充滿咗好多對感情不舍嘅暗喻，用背包來比喻付出嘅感情，比如話「借了東西為什麼不還」、「總有一天陪著我腐爛」等歌詞，用古文嘅講法就叫做借物抒情啩！
8.你給我聽好 2014《你給我聽好》陳奕迅-rice&shine
呢次榜上最新嘅歌曲，就系呢首《你給我聽好》喇！除咗作詞是由「夕爺」林夕操刀外，作曲更加系JJ林俊傑一手操辦，只可以講呢首歌嘅來頭實在系勁啊！
而呢首歌想表達嘅，就系對住失戀嘅人，或者我哋可以話呢個都系一種自我勉勵，話俾佢哋聽「同我聽住！失戀大曬咩！」，歌詞唔使好華麗，就系咁簡單咁講俾我哋聽，字字句句都可以深深咁砌入去我哋心入面。
7.淘汰 2007 《淘汰》陳奕迅-認了吧
「E神」陳奕迅與「周董」周杰倫嘅完美組合，呢首《淘汰》嘅成績，或者就說明咗一切：TVB金曲榜頒獎典禮入面，包攬咗最佳編曲、最佳監製，同埋金曲獎三大獎項！
呢只歌系Eason系2007年《認了吧》專輯中嘅第一波主打歌，系陳、周嘅首次合作，佢哋都表示雖然旋律簡單、歌詞都好容易明，但系因為音域較廣，所以系操作上要將首歌唱得好都唔簡單架。
6.好久不見 2007《好久不見》陳奕迅-認了吧
《好久不見》其實就系一部寫實嘅電影，簡單嘅鋼琴加埋弦樂嘅配器等只歌適合大家系深夜果陣獨自品味。
無論行咗幾多艱難噶路，幾咁希望再次出現果啲曾經熟悉嘅人，等待住，當再次見番既陌生又熟悉嘅人嘅時候，就好似只有令人陌生果句：好耐無見。呢首慢歌，旋律好似流水咁緩緩纏結而出，簡單又唔複雜，感情深沉內斂，簡直直擊人心啊！
5.愛情轉移 2007《愛情轉移》陳奕迅-認了吧
究竟佢系2007年嘅專輯入邊釋放咗幾多能量、投注咗幾多情緒？連續三首上榜歌曲，通通都系收錄系呢一年嘅專輯！
傳唱度超高嘅愛情轉移，雖然大家都識唱，但系話時話真系要唱好只歌邊有咁簡單，睇落去簡單但又唔間斷嘅旋律，系咪就好似我哋成日以為嘅愛情咁，彷似浪漫但系又有我哋不得不面對現實嘅無奈咧。呢首歌喺2007年獲得「中華音樂人交流協會」頒發嘅年度十大單曲。當然啦，粵語系母語嘅我哋，粵語版《富士山下》先至系經典中嘅經典。
4.兄妹 2003《兄妹》陳奕迅-K歌之王
佢愛你，但系你又無法接受，又偏偏享受住呢種被愛嘅感覺，明知唔好噶喇，但又唔敢大聲講出嚟嘅心情，應該唔少人都有過。而呢首《兄妹》更加系完美咁詮釋咗呢種複雜嘅心情。
藉由諷刺中帶啲壓抑嘅詞彙，將心聲講曬出嚟，亦都順便帶出咗自己過往同依家嘅心路歷程。林夕嘅生活哲理再配上陳奕迅略帶無奈嘅演唱情緒，聽完之後果陣心酸仲會迴蕩繫心頭。由於小編實在太鍾意《衝上雲霄》，所以都系鍾意粵語版《歲月如歌》：天氣不似如期但要走總要飛～
3.聖誕結 2003《聖誕結》陳奕迅-七
喺12月25號呢日，有先生太太、男女朋友嘅搵人去過聖誕節；分手嘅、單身狗（例如你同小編我）嘅男男女女唯有系屋企聽住呢首《聖誕結》過節喇。
唔系講笑架，根據網絡數據顯示，呢首《聖誕結》嘅討論高峰，的確喺上一年嘅聖誕節前後，咁就睇得出的確係有唔少人系呢個應該洋溢住快樂嘅日子裡面聽住呢只嘅來借「歌」消愁啊！粵語版為《Lonely Christmas》，同樣都系單身狗金金金曲！
2.十年 2003 《十年》陳奕迅-黑白灰
據聞，當初先推出《十年》粵語版《明年今日》之後，陳奕迅好排斥再唱中文版本，不過系經紀公司嘅堅持下，佢仲系翻唱咗國語版，而呢首歌嘅成功，將E神嘅歌唱事業推到去另一個高峰。
由陳小霞作曲，林夕填詞嘅呢首《十年》，經由陳奕迅嘅獨特演繹，受到無數fans嘅喜愛，佢代表住心緒嘅零亂同無止境嘅苦澀，有住好高嘅傳唱度，亦都是KTV點唱次數最多嘅歌曲之一，系香港傷感情歌中嘅經典曲目之一。
1.K歌之王 2001
系呢個「口水歌」充斥住嘅年代，熱門樂曲、歌手或者換得好快，但系偏偏就系有人反其道而行，用歌名來入樂，俾人稱讚為經典，永遠都唔會out。佢系林夕，佢系，陳奕迅！
同佢嘅好多歌一樣，唔少都系粵語翻唱成國語版本，而呢只歌系由65首歌組成嘅。前奏仲靜雞雞咁（都唔算靜雞雞喇）用咗張宇經典作品嘅《用心良苦》當中嘅前奏，為嘅就系呼應第一句歌詞。你話第一句歌詞系咩喇？都第一名了，仲唔快啲睇下，跟住唱返幾嘴！陳奕迅十大經典國語金曲！首首你都識唱！