揀男朋友，你系揀屋企做阿哥嘅，定系做細佬嘅好啲？小編之前同大家講過揀女朋友，揀女朋友系揀屋企做「家姐」嘅定系「細妹」嘅好啲？咁就有好多女「金粉」同小編講，幾時可以出翻一個「阿哥 VS 細佬」。嗱，而家咪嚟揀男朋友咯！
1. 揀男朋友 成熟穩重 VS 活潑好動
一般嚟講，做阿哥嘅男人成日會俾人一種成熟穏重feel。佢哋可能系家族入邊嘅長子，因為成日要負責處理屋企嘅大、小二務，令到佢哋性格獨立，變得有責任心。通常小女人都會好容易俾阿哥型嘅男人偷咗佢哋嘅心，因為對佢哋嚟講，一個值得依賴嘅男人系超有吸引力架！（系咪好似朴海鎮咁咧？）
而做細佬嘅男人成日會俾人一種活潑好動feel，好似有用唔曬嘅精力。只要同佢喺埋一起，連女仔都會覺得自己變後生咗。因為佢哋成日有新嘅idea，女仔永遠都唔會覺得悶，仲可以令戀情保持新鮮感。
2. 揀男朋友 被照顧 VS 發揮母愛
同穏重型嘅阿哥拍拖會令你感覺到無時無刻都俾佢照顧住，好多嘢你都唔使去曬心機去處理，佢會主動幫你將問題解決。阿哥成日會系你有困難果陣俾哋建議你、無助果陣向你伸出援手，陪喺你左右。
同細佬拍拖嘅話，好多時候你都需要發揮你嘅母愛調翻轉頭嚟照顧佢。佢就好似一個唔識大嘅細路，成日會令你擔心。當然喇，呢個都系細佬型男人嘅魅力所在。如果你系一個成熟型、又鍾意照顧人哋嘅女仔，咁細佬型嘅男人就會好適合你喇。
3. 揀男朋友 詐嬌 VS 被詐嬌
對住阿哥嘅男人，你可以盡情咁對佢哋詐嬌。無論你平時對外有幾強悍，只要你系阿哥男朋友面前就可以放哋堅強嘅一面，做返個溫柔可愛嘅女仔，就算對住佢詐嬌都唔會覺得好奇怪。
相反，細佬型男人會比你更加識點去詐嬌。有時你哋可能系某哋事情上面各持己見，但系細佬一發功同你詐嬌，簡直就激發咗你內在嘅母性，最後接納佢嘅意見兼且讓步喇。
4. 揀男朋友 學識淵博 VS 玩樂專家
阿哥就好似一本百科全書，上至天文下至地理佢乜都識。無論你有乜問題，佢都可以一一幫你解答。
至於細佬，佢都系無所唔通，但系只限於玩樂方面咯。所以你唔使驚同細佬拍拖會好無聊，因為佢成日可以知道最in嘅玩樂消息。
不過無論你鍾意嘅佢系阿哥定系細佬，只要佢系真心鍾意你、對你好，又有乜所謂喎！嗱嗱嗱，講開又講，小編都好鍾意對人好，但系……