＜以下內容轉自：香港高登討論區＞
是咁的，件事發生係我一個朋友身上。上年佢有另一個朋友名叫Dxxx Law 羅xx，本身同佢講話自己老母病重自己又轉工唔夠錢照顧，養左三隻大狗 好大壓力想死之類。咁我個朋友係一個好善良既人，就借左成$6000比佢應急，Dxxx Law 仲應承話好快會還。
其實事主都係搵錢好辛苦既人，仲要岩岩做完大手術，而家都仲負擔緊自己既覆診費用
好啦，一年以黎，每次就黎到deadline阿羅生就會用各種籍口推遲還錢日子，然後等阿等，到左而家推無可推終於block曬我朋友wtsapp, fb 等等等等，我朋友再開新電話或者fb 去搵羅生，佢都係一見到就block，到最後件事黎到我度。
咁我就同我朋友講，警告佢再唔還錢就將佢資料放上高登，結果佢竟然係已讀不回，咁即係唔介意我咁做啦，既然佢咁想出名，我唯有幫佢一把。
呢個人既Facebook 係收到個警告之後好快就將個profile pic轉左做佢隻狗，可見佢已經有所準備，好可惜我一早已經backup左佢個靚仔樣比大家欣賞。
其實我都估到有人會講借錢比人就要預左人唔還之類既野，我到左呢一刻亦都無咩把握可以拎番D錢，不過唔代表公義無能力懲治你。起碼放你上黎，可以提醒一下其他人，借錢比你之前要諗清楚。同埋，就係你呢種人，令到人唔敢再去幫人。
羅家賢先生，如果係呢個post 200 reply 之前你仲唔主動聯絡事主還錢，我會公開埋你電話，工作地址，以及更多相等等，希望你自重。