泰國一位小鮮肉老闆近日爆肌賣麵紅到上埋電視。(網上圖片)
為咗做生意，可以去到幾盡？早前日本一度興起大隻仔咖啡店、燒肉店，猛男店員個個半裸上身，吸引C9、OL、學生妹瘋狂朝聖，賺女人錢賺到盆滿缽滿。
近日泰國亦有一間專賣酸辣麵嘅麵檔效法呢種經營模式，小鮮肉老闆Kritsada Saekwang實行賣麵又賣肉，日日打大赤膊谷行胸肌腹肌煮碗麵過你食。加上每碗只售50、60泰銖（約港幣11-13元），而且位近大學，所以成功吸引大批學生妹前來幫襯，最近仲紅到勁上電視節目，名副其實靠住結實body名利雙收。
一碗麵只售50、60泰銖（約港幣11-13元），抵食！(網上圖片)
兼抵睇！(網上圖片)
早前《FACE》曾經一連串報導街市男神女神，其中最廣為人識嘅，就有上水石湖墟「榴槤公主」、「韓風送貨大隻仔」，仲有台灣幫「激索豬肉妹」、「東湖涼糕小鮮肉」等等，事實證明平民化如街市、小食檔，都有好多靚嘢睇，各位絲打行街時不妨擘大對眼睇真啲喇！
剝住上節目煮麵。(網上圖片)