有日返工我見到同事阿明腫咗半邊面，仲有個好明顯嘅手掌印，出於關心（其實系八卦）走過去問過究竟。
「唉…咪我女朋友咯，尋晚突然發脾氣話我掛住昅女唔理佢，嘈下嘈下仲一巴摑過嚟。佢自己咪又系成日昅仔，公平咩？！」
「乜咁陰公呀。」聽完果刻，我突然覺得自己真系人生嬴家。
點解？
因為我有個好鍾意昅女嘅女友咯，
鍾意嘅程度甚至遠遠超越我，
而且去到邊都昅，
仲會不時分享佢影到嘅戰利品，
真系有圖有真相…
其實我拍拖之前已經見識過女友呢種「喜好」，一齊耐咗更加系無曬顧忌。
老老實實，我一開始真系有啲唔慣嘅，
但日子耐咗，我就越嚟越覺得遇到女友系三生有幸。
首先，我完全唔怕Mary會突然鬧佢昅女。
有好幾次，
女友仲要比我更快搜索到目標，
仲拉埋我一齊研究…
「喂，果邊企喺度個女仔，條裙超短咯。」女友篤咗篤我條腰講。
「系喎，一睇就覺得凍，應該著返多啲嘛…」當時我咁回應。
「扮嘢啦你，口就咁講，心裏面一定覺得佢對長腿好正。」
「呃…」不能否認。
「啊佢要走啦，不如我哋跟上去咯？」
「唔系嘛？一陣俾人當系跟蹤狂…」
「有我喺到驚乜啫！我想行近啲睇清楚佢點襯衫呀。」
更難能可貴嘅系，好多時女友並唔系單純昅，
而系同時想了解我嘅喜好，從中學習。
「你真系鍾意佢嘅髮型？」女友問。
「馬尾正喎…」
「唔系睇咁簡單架，佢呢只仲要挑染同整波浪卷。」
「是但啦，總之馬尾就系男人嘅夢想。就好似返番去中學時代，玩前排女同學果條馬尾咁。」我開始高談闊論起嚟。
「嘩…大變態…」
雖然當時女友系用彷佛見到變態佬嘅眼神望住我。
但下次再見面，女友就換咗呢個髮型俾我睇…
「你專登去整架？」見面果刻我好意外。
「你鍾意吖嘛！系咪好睇先？」
記得有一次，我終於忍唔住問女友，
系咪真系完全唔介意男朋友（即系我）昅女呢回事。
「介意架。」女友咁回答，「但我更介意自己俾唔到最好一面你睇。」
當刻，我真系好感動……
但呢種感動只系維持咗幾秒。
「嘩，前面個女仔對胸勁大咯，而家啲後生到底食咩大架？」因為，下一瞬間女友又突然變咗大叔模式。
「到底我系男人定你系男人…」
「嘻嘻。系啦，記唔記得之前你話套美少女戰士內衣好正嘅，我訂咗啦。」
「嚇，你敢著咩？」我忍唔住開始幻想起嚟。
「嘿嘿，我無話我著喎…」女友突然露出惡魔般嘅壞笑，「成日都系我打扮俾你睇，今次好應該到你…」
「嚇？你講笑咋話…？」
「嘿嘿嘿嘿…」
「做、做住禮服蒙面俠先得唔得呀…？」
「嘿嘿嘿嘿嘿嘿嘿嘿…」
雖然果晚，
我有種身心都被玷污咗嘅感覺…
但我覺得，
可以遇到呢個咁鍾意昅女嘅女朋友，
好Q幸福！
金句王
微信號：jinjuking