細個果陣，你同佢鬼咁親密
時間愈耐，你同佢講嘢就愈嚟愈少
就算住喺同一屋檐下，佢都唔清楚你宜家過成點
你好少打電話俾佢，就算打咗，你嘅開場白一般都系：「喂，老竇，阿媽喺邊啊？」
如果系佢打電話俾你，內容都系：「你阿媽搵你啊～」
你哋嘅價值觀有啲唔一樣，有時因為啲新聞時事嘅嘢嗌交，邊個都唔肯認輸
嗌完交之後，你哋都唔會主動say sorry，但你知大家都唔想將件事擺喺心上
你話你唔care佢點唸，但其實你個心最想得到系佢嘅肯定
因為佢好難得嘅笑容，都會成為你最大嘅欣慰同成就
對住阿媽，你都可以有啲skinship，但係對住老竇，你哋之間硬係會隔住果幾cm嘅距離。
你從嚟未聽過佢同你講「我愛你」，你自己都未同佢講過你好愛佢。
望住佢慢慢咁變老嘅樣，你知佢俾你嘅已經夠曬多喇。
你開始驚自己行得太慢，追唔上佢變老嘅腳步。
老竇！查實我好愛你架，我知你都係。等埋我啊！