事情係咁,
返工既時候同同事吹水
講起大家既男朋友如何
有一個女仔就話佢BF每逢過時過節都會送名牌包比,好肯比錢佢洗
問我果個係點樣,
我話我同我BF拍拖一直都係AA制,有時就佢請,
從來都唔會買名牌送比我,我又唔會送野比佢.
然後大家都好驚訝, 幾個同事都異口同聲話一個男人唔願意係你身上洗錢即係代表唔中意你. 點解你仲唔分手.呢個男人要唔過!
我解釋話我BF本身就好慳家既人, 覺得買名牌係浪費錢,(我都認同,我自己都唔會買)
而AA制佢話要儲錢係為將來, 佢自己本身都唔點洗錢既.
但同事們就完全接受唔到, 一直踩我BF話佢對我唔係真心
咁其實我一直都無所謂,對邊個比錢呢方面,又唔係用好多錢.
一直咁樣拍拖我都覺得無問題,
所以想問大家係點樣既?