喺《愛·回家》入邊，有一個地球上最接近神嘅男人，佢就系：馬壯！
相信「馬壯」亦系黎諾懿從影以來最入屋、最令人印象深刻嘅角色。
佢對上一個令人有印象嘅角色，已經要數到2003年嘅《當四葉草碰上劍尖時》，演大佬歐陽逸一角了。
黎諾懿（Chris Lai Lok Yi，1980年6月15日出世），本名叫黎日昇，參加無線電視藝員訓練班第十八期藝員訓練班而入行，之後加入成為無線藝員，系當年TVB力捧嘅小生之一（當年力捧嘅仲有林峯、黃宗澤等人），亦系奧運六星之一。
出道作品為《戀愛自由式》，之後參演《當四葉草碰上劍尖時》擔正第一男主角，再加上樣貌同陳百強相似，亦有人認為同陳曉東相似，而開始為人熟悉。
可惜之後無以為繼，演出嘅作品以配角，及至4、5線角色居多。直到2012年，擔正做處境劇《愛·回家》男主角之一，飾演馬壯一角先至開始大獲好評。
「馬壯」一角之所以受歡迎，除咗因為佢古惑、有啲小聰明，再加上小小無賴之外（有啲類似《男親女愛》黃子華一角，當然黃子華演得抵死好多），佢常常自稱系「最接近神嘅男人」，加上不失正義嘅小人物性格，呢種無敵嘅性格組合，的確會令觀眾又愛又恨嘅。
其實小編最記得馬壯一幕，系當佢見尹德如家長時，被問到做師爺無出息，佢透露咗自己嘅人工系律師尹德如嘅2-3倍，即系超過10萬一個月！呢個可能就系造就佢常稱自己系「神之馬壯」嘅其中一個原因！
而劇中馬壯同尹德如嘅感情線更令人津津樂道，可惜4月初《愛·回家》就要大結局，到而家呢一pari種未復合，唔知道大結局，又會唔大團圓呢？
黎諾懿嘅私人生活方面，2014年，佢同落選港姐李潔瑩結咗婚，傳女家家底豐厚，家族背景億億聲。睇嚟黎生雖然星途麻麻，但就喺感情方面落足功夫，做咗個億萬女婿，咁咪犀利咯！
金句王
微信號：jinjuking