細個長輩會話講大話唔啱，叫你唔好做；大個你見長輩甚至好多人都會講大話，所以你開始覺得講大話唔系問題。同一時間，你學始猜測身邊慨人有冇對你講真話，亦逐漸拿捏到講大話慨技巧。
人與人之間好似點都會有大話慨存在，為咗令內心好過啲，我哋開始區分善意同非善意慨大話，又或者將大話分等級，等級愈低，可接受程度就愈高。講大話？慣咗啦。以下9個最鍾意呃朋友慨大話，你唔會冇講過啩？！
【第9位】
「你煮慨嘢好食過出面喎！」
鼓勵嚇朋友，等佢下次努力啲，冇壞吖。
【第8位】
「我唔會再掛住佢架啦！」
明明好掛住，好唔捨得，但為免朋友擔心，都要表現到自己已經下定決心。
【第7位】
「借XXX俾我吖，遲啲還返俾你！」
有借冇還真朋友～
【第6位】
「佢邊有你咁靚仔/女呀！」
通常系朋友見到Ex慨放閃照騙有感，你作為佢慨最強後盾，梗系要幫嚇口啦！
【第5位】
「我有啲眼瞓，唔講住啦。」
當朋友不斷同你微信，而你真系唔想講落去～
【第4位】
「信我啦！我從來唔講大話。」
冇！補！充！
【第3位】
「唔記得啦～」
全部人都記得，全部人都質疑果陣，全部人都想搵返出嚟笑佢果陣，佢會話你知佢唔記得。
【第2位】
「就到就到！」
次次都遲到架啦，你仲未慣咩？
【第1位】
「我冇事啊！」
邊個信？！
好搞笑架，講哩啲大話慨人明知朋友唔會信，都會講；聽果個唔信，但又會扮到信咗！點解呢？因系朋友系咁，真話唔會講出口。佢愛你、佢關心你、佢體諒你，佢包容你，佢想你開心，唔通日日兜口兜面同你講咩！講大話？慣咗啦！