大家有冇發覺，香港某一啲本土文化已漸漸地消失，好似系一啲香港本土專用詞語。(網上圖片)
不知不知覺間，香港已回歸中國18年，喺回歸呢18年間，大家覺得香港有乜轉變呢?自從03年7月起推行「自由行」後，香港周街都系講普通話慨人?多咗熱錢流入香港?但大家有冇發覺，香港某一啲本土文化已慢慢地消失，好似系一啲香港本土俗語。
最近高登有巴打發現一啲以前香港本土用語正慢慢消失，並被唔少潮語同強國人用語所取代，所以有感而發，喺討論區開PO，希望可以收集到更多「已被消滅的香港專用詞語」。以前慨香港，對介入一段關係的第三者稱謂為「二奶」，不過近年「二奶」呢一詞已被「小三」所取代，而「小三」呢一詞正正系由強國所引入。
點只系「二奶」呢個詞呢?「富二代」應該冇乜人未聽過啦，都好少人會唔識解，但大家又知唔知「富二代」慨前身系乜?咪就系八、九十年代香港回歸前我哋叫的「二世祖」囉!雖然2者都系形容有錢人的後代，不過「富二代」為強國流行用語，而「二世祖」則系香港本土用語，不過依家慨香港已經冇乜人用呢「二世祖」形容有錢人後代啦。
除咗本土用語大陸化，都有被潮語所取代慨香港本土用語，例如現時慨「MK仔」，其實就系以前香港人所講慨「飛仔」，大概系指不良少年。「飛仔」呢一詞比較專一性地形式不良少年;而依慨慨「MK仔」意思比較廣，例如可形容一個少年衣著不入流、又可指性格狂妄自大、又有指對方為不良少年之意等等。
其實「已被消滅的香港專用詞語」當然唔只得3個，以下為部分「已被消滅的香港專用詞語」：
舊 新
二奶 小三
二世祖 富二代
飛仔 MK仔
事頭婆 老闆娘
嫩口 小鮮肉
細蚊仔 小童
師奶 大媽
後生仔女 80後90後XX後
醜聞 黑材枓
車大炮 講大話