想解開摩斯密碼，就一定要學過摩斯密碼先得，但世界上又點止得摩斯密碼難解，男人有時同朋友傾偈內容都好有解迷性，女人睇完十足十仿佛自己置身於金田一的世界中，唔信絲打睇嚇呢段WhatsApp對話。
早前有絲打大呻，話自己睇唔明男朋友同佢朋友之間慨對話，話男朋友不嬲唔飲酒，但突然又香檳又藥酒，好擔心男友，所以向好姊妹求助，而好姊妹睇完都唔明，所以決定將呢段WhatsApp對話放上fb群組，等各位網友解答，唔知大家睇完又明唔明呢?
男友:「最近有冇返新貨?」
男友友人:「你要咩野(嘢)貨?」
男友:「今次有冇純dd(啲啲)架?」
男友友人:「有，富士山，850」
嗱，大家睇到呢度，明唔明白男友同男友人講乜?又要純啲啲，仲要成個富士山出現埋，又出現第一組數字850，真系好解迷，大家睇埋另一組對話。
男友:「除咗富士山，仲有冇?」
男友友人:「一系香檳，600」
男友:「香檳太雜，都唔系咁好，仲有無?」
男友友人:「你又知雜，你試過喇」
男友:「總之唔鍾意香檳啦，仲有無先?無就由佢啦!」
男友友人:「咁壞人你得唔得?得就幫你安排下，都系600」
男友:「咁件貨嚟自邊度?」
男友友人:「東北，一定啱你口味慨」
男友:「嘩，咁咪好大件，你合我太大件唔啱架喎。」
男友友人:「唔知喎，上次你試果(嗰)件都系東北，你不知幾咁ok」
男友:「系?我以為系四川添，但好鬼辣」
男友友人:「咁你系咪要一件呀」
絲打男友就約咗朋友10月8號試菜。
男友:「星期四晚安排到嗎?」
男友友人:「10月8號?」
男友:「系，ok嗎?」
網友們睇完，好多都要求解，而壞人慨解釋，有網友就話繫懷仁街，大家睇完明唔明呢?所以密碼真系有好多種，呢種密碼真系令人摸不著頭腦，絲打當晚不如直接同男朋友一齊去食雞件配香檳，再上嚟話俾大家知啦。
金田一同柯南唔知解唔解到絲打男友段對話密碼呢?(網上圖片)
絲打向好姊妹求助，但好姊妹都唔明，就向fb大神求助。(網上圖片)
富士山800，香檳600，究竟系咩意思呢?(網上圖片)
東北、四川，地方名喎，絲打男友仲話好辣，咁一定系食慨嘢嚟啦，唔通系又系炸雞配啤酒慨朋友?(網上圖片)
10月8號行動喎，食好嘢應該要預埋女朋友先啱呀。(網上圖片)