一對情侶喺拍拖時慨消費，大多數都系由男方付出，呢個系拍拖慨基本風度嚟。就算行街、睇戲呢啲消費真系要由女方出，次數都唔會太多，因為如果不停系由女方負責出錢消費，咁你將會被冠以「軟飯王」之名，對大部分男性嚟講，呢個名稱簡直系踐踏緊自己慨尊嚴。但最近，香港又出現咗一位出色慨「軟飯王」，而受害慨，系一位23歲，皮膚白白滑滑，網名AXXX LXXXX慨港女。
呢位美少女就喺facebook度話網名Rxxxx Lxx慨前度男友欠佢十幾萬，因為佢前度喺拍拖時終日無所事事，所以要佢幫前度畀生活費、麻雀費同車馬費等，但因為當時仲系蜜運緊，所以呢位港女都繼續支持佢，但佢話前度都講明會還錢畀佢。但當分手後，事主追呢位前度男友還錢時，前男友冇還錢不突止，仲封所埋事主WhatsApp，搞到聯絡不上，港女勁嬲，要喺facebook度公開狂呻，仲貼埋前男友張相出嚟添。結果就當然唔止凈系分享畀facebook慨朋友知啦，高登巴打當然第一時間幫佢傷心share啦。
巴打們睇到呢件事後，就立即開po分享畀其他巴絲知，有巴打就話事主蠢，咁易畀男人呃，但都有好多巴絲話個男仔系「軟飯王」。
或者我應該同大家交代下
我前度本身話凈系比返5萬我,
但講完無耐就block左whatsapp,
喺我搵唔到佢既情況下,
唯有靠網絡希望有人睇到叫佢唔好逃避,
而家聯絡到佢, 佢話block我系唔想再同我傾,
而唔系唔還, 佢仲keep住我account話每月會還返比我,
咁我都繫到為佢澄清返, 系我誤會左佢動機,
我會選擇相信佢最後一次,
Btw我自己都有唔岩, 唔應該衝動去判斷一個人,
畢竟大家相愛過甜蜜過,
其實無咩必要我都唔想做到咁,
都希望大家唔需要再評論任何野,
謝謝各位支持同關心!
事主啱啱就喺facebook度澄清，話前度凈系會還5萬畀佢，仲話前度講block佢WhatsApp系因為唔想再同佢傾，搵到工就會還番錢畀佢，跟住竟然話信埋佢最後呢次。睇嚟事主都仲系好放唔低呢位「軟飯」前度喎。