由於細個發生意外導致眼球破裂，我嘅青少年時期一直都被人叫單眼仔……
連父母都咁叫，亦對我很差，身邊朋友唔多，搞到我好自卑，多次想自殺。
但我冇膽自殺，心諗：死我又冇膽，仲有幾十年要捱，我唔想一直俾人睇小，所以我唯有發奮讀書，希望變成有錢人。
結果雖然做唔成有錢人，但總算生活安穩。但我內心仲係好自卑，唔太敢望人，怕嚇親人。
25歲果年，我裝了假眼，外觀上好難睇得出。假眼活動能力好差，直望你唔會察覺，但一轉動眼球就好明顯。
雖然係咁，但裝咗假眼後，外人對我嘅態度完全唔同哂，竟然有人覺得我個樣唔差。
於是，我遇到了她。
她很美，主動對我好，我也有感覺，但她好像沒有發現我眼晴的問題，而我亦沒勇氣向她講。
我們最後在一起，快一個月的時候，有日佢突然叫我試下左右望下。
我心裡已有不安嘅感覺，最後我同佢講咗假眼嘅事。
佢雖然話唔會介意，但自此之後，佢嘅態度就變哂，開始疏遠我，最後連電話都改埋。
疏遠我嘅期間，我內心每日都好似被刀割一樣。之後我變得更自卑，對人歡笑背人愁。
現在身邊雖然有很多女性，但為怕再一次受傷，常要提點自己不要動情。
可惜命運就是如此弄人，半年前我認識了一個女生，現在經常會跟她單獨吃飯和傾電話，感覺非常好。
其實我很想表白，但係我愈在意她，她對我愈好，我就愈唔咁同佢講我隻眼嘅事。
我本來以為她可能知道，但有次佢問：點解你條件唔差，又唔係醜樣或者有缺陷，點解一直都冇女朋友？我先知道佢唔知，其實果刻我好想講，但最後都係冇瞻。
我嘅人生應該點行落去？
網友鼓勵：
——唔駛自卑, 有咩好自俾？又唔會遺傳的
之前女朋友可能感到太突了, 才反應不來
建議樓主如相熟的朋友, 也不妨可跟朋友說出問題
到表白後才給人知道, 可能對方會有一種被瞞騙的感覺, 而不是嫌棄你啊
樓主有Ching說得對, 自己都唔接受自己, 人地又點會接受你？其實最介意只是你自己
要勇敢對面, 總會有係你身邊支持你嘅人
——我未見過有殘缺嘅人得唔到愛情
只見過無勇氣嘅人得唔到愛情
當然心儀對象會有好多考慮
例如我第一時間會諗
假眼需唔需要拆出來清潔架？
要唔要伴侶幫忙架？
會唔會好恐怖架？
當你俾人越清楚事情及照顧方法
其實就越令人易容接受
咪同假牙一樣
到大家白頭到老
相方到有假牙咯
樓主, 勇敢面對, 無限量支持你！
via：http://ladies.discuss.com.hk/viewthread.php?tid=25302606&page=1&authorid=5790809