Day 01 - 每朝4:30AM起身 (30 Days Challenge II)
「創業是否一定要先辭了現在的工作? 」
「我很想創業，但仍沒有合適的時機。」
「一邊打工，還要一邊創業? 怎會有足夠的時間？這是不可能的任務。」
這都是身邊朋友關於創業的顧慮，或者可能也是你的顧慮。
.
其實，這些都是籍口。
.
很多人會覺得香港「沒機會」、「很難白手興家」。事實上，成功與否只在於你有多大的決心去堅持，只要你願意去做，又豈會沒有時間？
.
Live Life to the Fullest 是我一直以來給自己設立的目標，我最近 2-3個月每天都是 6AM 起床。而這次我想再進行一次 30 Days Challenge 挑戰自己 —— 每天 4:30AM 起床。
.
也希望讓你知道:
.
Where there’s a will, there’s always a way.
.
你若有決心，是一定會有時間去創業 — 例如由 4:30AM 開始工作。
.
如果你想創業成功，至少要有堅定的決心，以及遇到任何困難都不會放棄的心態，你有嗎?
.
4:30AM起床是否很難? 你是否做不到? 我相信這個 Challenge是任何人都有能力完成的，但會否去完成便是另一回事。
.
你只可以活一次，不要令自己後悔，做一些會讓自己感到驕傲的事。
.
其實「創業 – 每月 10萬」也是一樣，是任何人都能完成的 Challenge，結果只取決於你的心態，你的決心。
.
這個 Challenge 只有一個目的 — 就是改變你傳統思維，讓你相信自己「我可以。」
.
而從今天起，我也會挑戰我自己 ——「每朝4:30AM起床」，並用2-3小時增值自己，每天學習一些新的知識，例如分享我在書裡學到的知識（我現在的目標是爭取每兩天看完一本書），再分享給大家。上一個30日Challenge 我分享去創業所用到的工具，今次Challenge 我會偏向寫多一點關於成功必須擁有的思維模式、希望可以讓你徹底擁有一個「成功」的 Mindset，讓你無論遇到任何問題，都可以輕易解決。
.
最後，我希望你也嘗試去Challenge 自已，去做自己想做的事，活出一個精彩的人生。
.
It’s now or never，由今天起，一起挑戰自己、作出改變。
Day 01 - 香港無機會? 哈，Please。
你可能覺得香港無曬機會、無曬希望?
點樣先可以賺到人生第 1 個 100 萬?
其實一年都唔使，已經可以，但要點樣做?
.
以下有兩個例子。(Business Model 我就唔詳細講，唔係既話變萬字文，請自行參詳。)
.
你有無聽過 Kickstarter、Ted Talk、Engadget 呢類型既網上平台?
其實香港現時IT科技網絡仍處於一個好落後既階段，但同時亦代表我地仲有大量既機會。有好多係外國已經流行既Idea，係香港其實好少有人實踐。即係話，就算你唔係好Creative，只要你肯將外國既Idea帶過黎香港已經會work。
.
我咁樣講並唔係叫你整個香港版 Facebook、Snapchat 呢d黎賺幾十億，而係應該留意身邊機會，已經可以輕鬆月入過10萬，每個月去旅行既同時，仲可以儲2-3萬去買樓。
.
例子1:
Masterclass.com --- 邀請名人教授自已既專長，賣 Video 課程，合共HKD$720 (20堂)。短短半年內，已超過 300,000 人購買，已經賺左 HKD$2.1 億。雖然香港市場比較細、名人比較少，但仍然有利可圖。(如果你話 Budget 係一個問題，其實唔係，之後會再解釋。)
.
例子2:
Bomfitness.com 和 Josefrakichfitness.com --- 雖然香港有好多 Fitness Center，但好多人放工後無空閒時間，或者唔想 Face to Face 搵人教。假設你係健身教練，將你識既野拍 Video 放上網 (甚至叫你既學生 Subscribe 你網上既 Course 睇更全面既課程、有餐單、每日挑戰等等)，只要累積有 500 人登記，每月跟你網上 Programme 做健身，每個人比 $200，都已超過 $10 萬。
.
仲有，又例如香港餐廳有 Openrice 既評分指南，咁由美容院、診所、花店、結婚攝影、再去到補習老師既評分呢，點解無呢?
.
講到網上商店、由足球用品、籃球用品、髮型用品、寵物用品、去到糖果、手信、點解一個似樣d既網店都無呢…?
.
而今日，係30日 Challenge 既第一日，我會:
- Brainstorm 身邊每一個機會
- 開一個 Word 檔，一諗到任何潛在可行既Idea就寫低
- 再諗下想做既 Idea 會唔會 Work ? 計下數，估下賺到幾多。
.
我亦已經諗到 Start 咩項目，會月入過10萬，下一篇再講係咩啦，如果想繼續睇，就Like 呢個 Page 啦。
Day 02 - 連目標都無，
你都好意思話香港無機會…
好多人都話想成功，你有無諗過成功係d咩?
.
成功對每個人定義都唔同，你要清楚你既目標係乜野 — 你唔好答，「錢」囉，問題係你答得太General，其實同無SET無分別。
.
目標好重要，例如假設我SET我要每月去旅行(當2萬)、要買樓(儲3萬，3年100萬)、要買波子 (2手50萬，月供1.5萬)、吃喝玩樂 (1萬)，你大約要Basic 7.5萬，咁再乘 1.3倍當緩沖雜費等，Total $9.75萬/月。
.
咁你就會知道目標係 每日賺 $3250左右，即係每日需要:
$1625 x 2個顧客
$650 x 5個顧客
$325 x 10個顧客
$162.5 x 20個顧客
.
續返上一篇，我今次選擇做既網上商店項目就係賣手巾，你可能會話唔好玩啦。
.
我係認真既。
.
無論係香港、外國都仲有好多項目有得做，只係你要做到一係人地唔買，要買就只會同你買，你賺到錢。
.
之後，再開始Brainstorm 個 Idea 可唔可以達 到目標，而我手巾個項目，只需要大約做到呢個 Range 就可以: $325 x 10個顧客。所以，第1步，先問一問自己想要d 咩，再開始項目。
.
今日，我會決定項目個名，當中有幾個重要元素:
1. Name/Domain要有得注冊
2. 千其唔好 .com.hk / .hk /
3. 2-3個音既字最好 (例如 Yahoo、Google、Facebook、Youtube、Whatsapp)
4. 讀完出黎要識得Spell
5. 最好同項目有關系
.
今日 Day 2 我會做以下既野:
- 係 Domaintyper.com Check 左名稱有無得注冊先
- Be Creative， 諗曬所有相關你項目會Search 既關鍵字 (Google Keyword Tool)
- Check 現有既所有 Competitor ，仔細睇佢地商品頁有咩元素，把整個網頁有的元素文字化，例如有 (購買鍵、Facebook Like、購買人數、顧客評分等)
- 選擇網店平台 (Wix/Shopify/Wordpress)
- 決定名稱
- 注冊網址
.
你可能會問創業係咪真係得，我咩都唔識wor，就算連決定完過名，都唔識整個 Basic 既 Logo 點算…
.
唔識，真係無問題，下一篇會講可以點做。
.
岩岩完左文匯報訪問，呢篇雖然都幾長，但 20分鐘左右打完。
如果想繼續睇就 Like/Share 個 Page 啦，或有野想問，或想我補充就 Comment啦。
人生唔係一個遊戲，你已經被淘汰，邊個仲會咁Nice話你知?
無論你鍾意與否，呢個世界都係會改變。
你可以唔跟隨，但就會成為被淘汰既一份子。好多人覺得香港無機會，其實係無意識到遊戲規則每分每秒都係到改變緊，舊時既一套已經Out左。仲用緊舊時果套既話，生活得艱難係正常，因為你已經可能比人淘汰左。你估人生係遊戲，淘汰左仲會咁Nice話你知?
.
而家，外國好興一個叫做 「1099 Economy」 既 現 象，即係越來越多人開始以自雇形式創業。亦因為Uber既 Business Model (Uberization)既興起令到更多人加入，Uber形式係用一個平台(例如App)，即刻可以搵到提供服務既人 (由寫Programme、設計、寫作、補習 (幫人做功課?)、家務、水電師傅、醫生等)，然後再有評分等等。
.
現時美國人口34%係做緊 Freelancer，去到預期 2020 年會上到 40%。
.
趨勢: http://www.bloombergview.com/…/the-gig-economy-is-showing-u…
例子: http://www.huffingtonpost.ca/…/uberization-uber-of-everythi…
.
呢個係一個必然會發生既事，如果你仲諗住好安穩咁樣打一份工做一世，然後退休去旅行，咁你等住比人炒都得喇。
.
我相信: 與其比人逼到無退路先改變，倒不如做第一批改變，佔左個先機先? 以前 d 人話成功好容易，買下鋪位/多d樓，就Okay。
.
而家，成功何嘗唔係咁容易?
.
續返上一篇，要創業唔識設計，點做LOGO?
- 搵5個類近你鐘意既 Logo (Google/Pinterest上搵)
- Taobao 或 Freelancer.com 搵人幫忙，大約 RMB300 或 USD30-50
- 比Designer 參考黎設計
- 因為我Start 手巾項目所以我會買攝影箱 (用iPhone + 攝影箱已經可以有不錯的效果)
.
再補充一下呢兩日做左既野:
- 決定左用 Hankii 呢個名，即係 Hankii.com
(我一向整網頁都會Set Maintenance Mode 黎做 (自己Google、亦建議你Set)，但係做示範，比你地望埋實時Update，Step by Step 我Update 左d咩，唔好Hack，千其唔好買野，唔好亂咁整)
- 我決定用Wordpress做示範，因為擴展性較高
- 去Themeforest.net 買一個Template
http://themeforest.net/…/bow-responsive-woocommerc…/13033240
- 安裝上個 Server (或比50USD 人幫你裝)
.
但係你可能問，我無賣野既經驗咁點算? 其實賣野得 3個原則，下一篇會講。
.
如果想繼續睇就 Like/Share 個 Page 啦，或有野想問，或想我補充就 Comment啦。
大部份人做既野都錯。係，你都錯。
你覺得你算唔算係朋友圈中或社會中 Top 1%既人?
你覺得你日後既生活會過得 Okay? 其實係錯，錯得很。
.
T. Harv Eker 寫左幾本書關於成功，其中一本: Secret of the Millionaire Mind 提及: 「Out of 100 people only 1 person will become wealthy, 4 will become financially independent, 15 will have some savings put aside and a whopping 80 people will be dependent on pensions, still working, or flat out broke.」 簡單翻譯即係每100個人入面，只有1人富有、4人財政獨立、95人失敗。
.
咁即係代表其實大部份人做緊既野都未必正確，同傳統講法話跟主流實無錯既有好大 Contradiction。
.
如果你想做果1%成功既人，就要明白一個道理: 假設你做大部份人做既事，只會得到大部份人得到既結果 — 好可能係失敗。
.
你憑乜野覺得你會係 Exception?
.
續返上一篇，當你決定賣任何野既時候，要諗 3個重點:
.
1) 賣比邊個，有邊個會有興趣要? 有需求?
.
2) 咩情況會搵到佢地?
.
3) 做廣告既時候點樣可以 Target 到?
- Facebook 廣告 - Facebook Interest? Education Level? Travel Frequently?
- Google Keyword - 完全無 Idea 可以係邊到買所以會 Search?
.
而我個 Logo Design 好喇，今日我會做以下既事 :
- 諗邊個廣告途徑 (WOM/Facebook/Yahoo/Google)
- 定位要非常清楚 (平、高檔、多款式)
- 決定至少有一樣 Unique 既野，要只得我有
- 列出20個如果我係顧客，我會問既問題 (如速遞時間、出貨時間等)
.
下一篇會繼續講諗好左個商品，但大部份人都會錯既銷售手法 — Motivate 唔到人買野。
.
(會以 王維基 HKTVmall 個網頁個例子，睇下有d咩Elements佢地有、有d咩佢地無。 To 王生: 你 HKTV個 Website係咪真係 Motivate 到人買野? 有高Conversion Rate? 但我個Website 可以Motivate 到你公司黎幫襯。P.S. 2014負責你公司Annual Dinner氣球布置)
.
如果想繼續睇就 Like/Share 呢個 Page 啦，或有野想問，或想我補充就 Comment 啦。
HKTV Mall 網頁元素 - 如果我係王維基（上集）
你對HKTV Mall有咩感覺? 有無試過買野?
你有無諗過點解 HKTV Mall 感覺上就係差咁一d，令到你無買野既衝動?
續返上一篇所講，今次我會列出網頁部份必須要有既 Elements，並且用HKTVmall 做例子，如果我係王維基又會點做。 (先講明，呢篇唔係挑戰王維基先生，我對佢有無限尊重。)
.
先講大部份人既第1個錯，好多人覺得整完網站應該有既Function 就以為整完，自動就會有人買野。事實上，係要你個網頁先包裝到有好多人買緊，先會有第1個人買。
.
跟住落來，我會講下10個網頁必須留意既 Elements:
.
1. 專注
HKTV Mall 而家做緊17個大類別，每個再細分20個細類別。如果我係王維基，我會一開始先做4-5個類別，但每個都好齊，係網上 No.1，做到你一係唔買，一買就同我買既效果。如果擔心一開始唔夠類別，亦可以先Show比人睇未來會發展既項目，但唔開始住。
咁好過全部類別一齊做，但無個齊全，如同 Peter Thiel (PayPal Founder) 本書《Zero to One》第5章 講既 ，Amazon 一開始打算雄霸網絡所有零售 (相信同HKTV 目標一樣)，但只由書本一個類別開始。Ebay都係一樣，由毛公仔類別開始，再去到收藏家類別，最後先發展其它類別。王生，你知道你幫襯我既時候，你HKTV Mall都有氣球買嘛? 只不過我提供既款你都無…
.
2. 人氣度
主要係要比到人信心 - 呢Part HKTV Mall基本上無問題，王生人氣度十足，d人本身都會肯相信佢既網頁具規模，夠膽試。但其它人，包括我，都必須有一d元素，令人睇上去感覺極具人氣，例如要有 Facebook Like (可以落Ad Promote Page)、同埋顧客評分 (搵d朋友親自試完比返Feedback 你)。
.
3. 定期更新
HKTV Mall 呢方面都可以做好d，例如可以係Product Page度寫有無貨，同更新日期。網絡世界有好多網頁都係整完就算，可能3年後你先Search 到佢，望落去好似荒廢左好多年咁，你真係夠膽買?
.
4. 優惠
呢Part係跟返上一個Point，重點係比人一個感覺，個Website仲係定期更新緊，黎緊會有不同Promotion 等等。呢個元素HKTV Mall都有，當我Start 網頁項目既時候，亦會加入呢個優惠既section，令人感覺似一個大規模網頁 — 有邊個大規模網頁無Sale Items?
.
4. Copywriting
HKTV Mall 基本上因為做得太散既關系，好多商品Description 都係商家自己寫(佢地好大部分人都無經驗，亦唔知要寫咩)。Description 其實唔係寫Product Description，係要Motivate 人買野。重點，先要分清楚 Features 同 Benefits 既分別 — 一個係產品的描述，一個係商品既價值。例如我賣個氣球重點唔係講佢識得飄幾耐，尺寸有幾大(Features)，而係點樣用氣球令你既派對更加難忘(Benefits)。
基本上，網絡世界入面買野既人遇到問題果陣，好多時都無得問問題，所以必須要知道顧客有d咩concern，然後係佢想問之前已經答左。而家睇落HKTV Mall個網頁，已經唔洗睇商品Description 住，第1個問題已經會問… 點樣購買?用咩Payment Checkout? (唔係要我Click 到最後先知掛…)
.
呢篇已經超曬字，剩返果5個元素下篇再續。
而續返上一篇: 賣野唔係關於規格，係價值， Anyway，我今日會:
- 列出商品/服務最重要的 5 個特點
- 列出把5個特點轉換成 5 個可以提供給顧客的價值
- 再為5個價值，寫上500字解釋
.
如果覺得 HKTV Mall 幾好或唔好既 Elements，歡迎大家Comment 討論一下，下一篇我亦可以講一下，主要係關於 購買流程問題、廣告、付款、同埋最重要一點 — 方便性。有野想問，或想我補充就 Comment 啦。