我奶奶係一個菲律賓人, 但我老爺係香港人, 佢地離咗婚,離婚原因係為咗錢,
係奶奶屋企到, 從來有佢講, 冇人講, 一有人駁佢嘴, 就會係咁話你點點點,
但如果個仔(即係我老公)係到, 佢就唔會點出聲, 因為佢好驚佢個仔,
我同老公拍拖個時, 因為唔係成日會點出街, 所以我多數都會去佢屋企玩,
但去得多, 自自然然佢阿媽就會多野講,
哩d都係好正常既事, 我都冇點放係個心到,
但自從我同老公結婚之後, 問題就開始多......
我有咗個時, 醫生話我身體差, 唔好做咁多粗重野,
我同老公都商量過, 老公都同意我唔好做野, 搬去奶奶到住,
所以我辭咗份工唔做野, 同老公搬去奶奶到,
我就專心安胎, 而我老公就努力搵錢,
但奶奶一知道我地要搬去佢到, 就立即話要我地比錢佢當交租,
我地都順佢意,
奶奶佢係住政府樓, 每個月租交2000左右, 因為佢係攞綜緩,
交租個d社署幫佢交, 比一千佢, 佢已經有著數,
咁我地咪同佢講話同佢交一半租, 同埋唔曬佢煮飯比我地, 我地自己搞掂,
點知佢話唔得, 最少都要比3000佢, 仲要唔包伙食,
咁我地都算, 照佢意思, 唔想同佢嘈,
點知一搬去佢到,就係我既惡夢既開始,
老公一行出個門口去返工, 奶奶就立即同叫我去買餸,
一開頭我會以為佢會比錢我啦, 點知冇, 我都算, 由得佢,
買完餸之後, 返到去, 見到我冇買早餐, 就係到鬧我:
"點解唔買埋早餐返黎, 係咪想餓死我呀"
咁我咪拿拿聲再落返去買早餐比佢,
個時我都未食, 咪當順便買埋比自己,
返到上去之後, 我諗住食完早餐之後就出去睇d BB既野,
點知我都未坐, 奶奶同我講:
"你食咩早餐呀, 屋企唔駛打掃呀, 仲有呀, 我有好多衫未洗呀, 你同我洗埋地, 我哩到唔用地拖抺地, 你跪到抺啦"
個時我真係嬲到好想同佢嘈,
但係我諗,
"今日先係第一日, 如果同佢嘈, 以後冇好日子過"
我就忍佢.....
點知日日都要我做哩樣做個樣(除咗我老公放假佢就咩都自己做), 就因為咁我差D小產~
係醫院住咗成個星期~
一開頭我都冇話比我老公聽佢阿媽咁對我,
但到我個肚6,7個月既時候, 我真係忍唔到, 個肚好似蘿咁大, 仲要跪係到抺地,
真係好辛苦, 我先同奶奶講話可唔可以用地拖抺地,
點知佢話唔得, 我先同我老公講,
我老公知道之後, 立即同佢阿媽嘈......
奶奶仲要話係我爭住d野哩做, 話佢冇迫過我,
由於佢係菲律賓人, 佢唔識煲補品, 我都由得佢,
點知每一次我煲完後, 佢都會話我識得煲比自己飲, 唔會比佢飲,
你地都知如果燉野既話, 燉出黎既係得2,3碗, 我一碗, 我老公2碗......
而且燉出黎既頭一轉全部精華都係曬到, 最啱比大肚婆飲,
點知佢次次都係睇住我整好就立即攞咗去飲, 連我留返比老公個d, 都飲埋去,
我地兩公婆謂有飲第二轉個D湯~
你地會問解我唔搬返我阿媽住, 但係我阿媽老啦, 唔想佢咁辛苦, 所以先唔搬,
講返我奶奶個到,
我生完之後頭一個月坐月, 坐咗10日左右, 個傷口都未好返,
奶奶就叫我出去搵野做, 仲話幫我搵到份工, 係做樓面,
但我同佢講, 我未坐完月, 唔做得野住,
佢就同我講話唔得, 一定要出去做野, 話我地而家多咗個人, 交租都要交多d, 仲話如果我唔出去做野, 點有錢比佢咁話,
我冇理佢呀, 我咪由得佢講, 佢要我搵野做, 我唔搵, 佢奈我咩何......
到個坐完月之後, 佢就同我講, 話我都坐完月, 叫我快d搵野做,
我一直都冇理過佢, 佢就好嬲, 日日都比說話我聽,
我忍到冇可再忍, 我搵野做, 當我搵到之後,
佢就同我地兩公婆講, 叫我地每人比3000佢, 當係睇BB既錢,
仲要係唔包BB既奶粉尿片同埋我地既伙食,
所以我老公話, 既然要比佢既阿媽睇住, 不如我地自己睇返BB, 起碼可以少開支先,
佢阿媽知道之後, 話如果我唔去返工, 佢就要出去返工,
到時佢就要我睇埋佢個女(我奶奶有1個仔,2個女, 仔係我老公, 一個女就已經出咗黎做野, 另一個女就讀緊小學),
咁都算, 起碼我個BB唔駛比佢個不知所謂既麻麻照顧......
點知, 佢個女仲麻煩, 一D唔順佢意既野, 就係到同佢阿媽講我點對佢唔好,
我奶奶就立即黎鬧我, 個時因為冇錢搬, 所以就死忍.......
過咗半年左右, 我地終於搬咗出去,
但個時啱啱又有咗, 老公話點好,
我話死都唔會搬返奶奶到住, 點知我奶奶知道之後, 話日日上黎到照顧BB, 我話唔駛,
佢就話我唔通你大住個肚仲要拖住個女去買餸咩, 佢講既唔係冇道理,
我買餸都係半個鐘到, 好快, 買完餸佢就立即走, 唔駛我成日對住佢,
到我生完第二個出黎之後, 佢就話要幫我睇住個細既, 比三千佢就得,奶粉尿片佢自己搞掂,
我老公驚我辛苦, 謂有比佢睇住個細,
但係, 佢真係好離譜, 我地知道佢每個月既一號會出綜緩,
佢每一次等我老公出糧(我老公10號出糧)就立即打黎話冇錢用, 叫我地快D比錢佢,
明眼人一聽就知道佢講大話啦, 9日內會唔用咗幾千蚊呀, 買鮑魚食咩~分明就係講大話,
但我地都唔理佢......總之一出糧就比錢佢, 唔好煩到我地就得,
就咁一睇就睇咗三年, 個細既而家讀書,
個時我地幫個細已經報咗名, 留位費都比埋, 佢先話要個細係佢到讀書,
我地同佢講話咩都搞掂, 唔好轉黎轉去, 會好麻煩,
跟住奶奶話我地一D都唔同佢商量, 話我地有冇尊重過佢咁話,
最後, 我奶奶話社署D人迫佢去搵野做, 一定要比返個細我地,
我地都話唔緊要, 幾時比返我地就預早同我地講,
點知, 佢等我同個大既去咗我阿媽到, 就打電話黎叫我接返個細走,
咁我咪同奶奶講, 話可唔可以第二日先見, 今日我出咗我媽到.....
點知佢鬧我, 話我識唔識做人阿媽, 個細既係我生, 識生唔識教,
仲要鬧埋我阿媽識唔識教女, 教到個女唔尊重奶奶,
我個時真係忍冇可忍, 用粗口係咁鬧佢, 話佢唔啱,
一早叫咗佢要預早同我地講, 唔好臨急叫我地接返個細,
仲叫佢如果係咁想去見工, 咁就帶埋我個細去見,
仲話如果你係咁貪錢既話, 唔駛去見工, 去做雞, 搵到大把錢,
最後, 佢攞野黎威脅我, 我冇得唔順佢意思去接返個細,
但係個細一返到屋企, 我奶奶係咁打電話比我, 話佢見成份工, 係到係咁曬命,
我心諗我睇你返工返得幾耐.....
(因為我奶奶哩份人又要怕辛苦又要貪錢, 佢試過做大家樂執檯, 做咗2個月話人地個D鐵板重, 又話公司D同事對佢唔好,
佢又做過吉野家, 做咗2,3個月又話人地個D打邊爐重, 又話少人工, 誅多籍口, 跟本就唔想出黎做野)
點知, 個細返咗黎2日, 我奶奶大女打比我, 話奶奶想接返個細,
我都比佢照顧個細, 但係唔可以再咁係咁問我地攞錢,
總之一出糧就比佢, 唔好打電話黎講大話話冇錢用個D個D,
佢話冇問題, 但個細一返學, 佢D麻煩野又黎,
又話有校車點解唔比個細坐校車,
咁學校個到冇校車去到佢個到咁遠, 點比個細撘校巴呀,
我同奶奶講, "我比你睇住個細, 你唔好話又要咁又要咁, 我地唔係開銀行,
你唔想睇住個細既, 你可以比返我, 但你唔好成日到嘈~~
如果你要怪既, 就怪你當初唔嫁比個有錢佬,
但比你嫁咗個有錢佬有咩用, 當初你個仔個老豆好有錢架, 有幾架車有層樓, 係邊個貪錢貪到人地破產呀!!"
奶奶立即唔出聲,
我知道我終於可以鬧到佢唔識出聲.........
但我最開心係因為佢唔係想睇個細,
而係佢見完份工之後,
就發生菲律賓人筫事件,
個老闆話唔駛佢返工,
所以佢先要睇返個細,
但係佢仲可以話我地D香港人抵死,
仲話佢地菲律賓人做咗我地香港人既工人太耐,
咩氣都係佢地D菲律賓人受,
最好D菲律賓警察將旅遊巴上個D人全部殺死曬就最好,
仲要話菲律賓人跟本唔駛同香港人道歉......
香港人係要受到咁既對待,
我老公聽到之後, 都話佢阿媽痴線,
唔想認佢做阿媽,
點解自己會有D咁既阿媽~~
一D內疚都冇,
仲話如果佢阿媽死咗, 唔駛指意去拜佢咁話~~~
via：http://ladies.discuss.com.hk/viewthread.php?tid=13057147&extra=page%3D343