今日系鍾嘉欣同佢老公Jeremy補擺喜酒慨大日子，恭喜恭喜！雖然大婚時間系2月27日溫哥華舉行，但北京時間就系今日28日早上咯！
話說鍾嘉欣老公年賺五百萬人仔，加上本身鍾嘉欣都有番咁上下賺錢能力，佢慨婚禮喺常人心目中應該要幾豪有幾豪。不過可惜答案啱啱相反，嘉欣今日身上慨行頭相當簡單，佢手上面慨求婚戒指只系一卡左右，結婚戒指款式亦相當簡單。至於一般新娘鍾意曬冷慨龍鳳鐲，嘉欣亦只有一對咁大把，另加一條好幼慨金鐲，就算耳環，都系好簡單慨款式，行頭真系低調到不得了。
另外，值得一提慨，系嘉欣慨gel甲，一般新娘子結婚，都系搞到個gel甲有咁行得咁行，不過嘉欣就好簡約，只系整咗法式gel甲，講真，各位女士平時返工都唔似咁啦。
之前話鍾嘉欣系「慳妹接班人」，生活又十分平民，又真系幾喎～
【正面婚紗Look：鍾嘉欣飄逸仙女】
講返成個婚禮，簡約主義為主慨鍾嘉欣，一身婚紗慨設計亦相當簡約，除咗心口有啲花花同頭紗末端有啲喱士之後，就冇咩特別。唯一值得一提慨detail位，系件婚紗有少少透視設計，俾人一種若穩惹現慨感覺，望落勁有公主Feel。
【再講冧爆宣言：系我好想嫁俾佢】
鍾嘉欣親自透露今日婚宴同舊年底結婚時心情唔同，當日僅僅喺至親面前嫁作人妻，但足已令佢難忘：「我性格系唔需要大搞都開心，今日就多啲好朋友同親戚嚟，個心有少少亂同緊張，又多傳媒嚟，我唔想大家辛苦，所以想低調處理。(老公求婚時系咪一口答應？)系呀，就算佢唔同我求婚，我都好想佢嫁俾我，哈哈！Sorry，系我好想嫁俾佢。(守呢個秘密辛苦？)唔辛苦，仲為呢個privacy（秘密）開心，佢喺加拿大，我喺香港，諗住都系講俾加拿大同香港少少朋友知。」
講到一班好姊妹為佢守秘密，鍾嘉欣對此大為感動：「老公唔系呢行，唔慣對鏡頭，平時影相都唔鍾意，所以好想保護佢，佢唔需要去應付呢行慨嘢，班姊妹守呢個秘密都好辛苦，不停咁兜圈，儘量俾多兩日我哋輕鬆。（咁老公系幾時求婚？）我唔想講俾人知，總之系好sweet，有喜劇感，平時佢個人好木獨，佢會諗特別嘢去求婚已經好犀利，太感動。」
【默認有喜：中國傳統唔可以亂講】
鍾嘉欣對佢系咪真系大肚慨講法，絕對令人覺得佢默認有喜：「因為中國傳統，怕有事，唔可以亂講，所以BB慨事唔講喇，適當時候公布。」她又直認老公系由家姐介紹認識，並話對方極速成為其Mr. Right：「佢都好快認定咗我系老婆。」
對於會唔會退出娛樂圈，鍾嘉欣承諾唔會咯：「因為我同無線仲有約，今年會推唱片。」而關於有指二人閃婚，鍾嘉欣並唔認同：「都識咗十個月啦，所以唔系突然結婚。」
【親自寫歌俾老公：《我結婚了》】
「我系有首歌送俾老公，叫《我結婚了》，我會喺行禮度播，我唔會再唱歌啦，咁攰！我想今晚完咗，想將首歌放喺微博俾大家聽～」
《我結婚了》歌詞：
沿路遇著是夢幻白馬
應會開花
可惜跑太快我卻沒有這功架
我那時 未到家
好姊妹亦不用害怕
這天 你也會有點驚訝
誰料愛情來到 太神奇嗎？
我能遇上他
我結婚了 紅紅鮮花長長婚紗緩緩出嫁
傻傻的你傻傻的我傻傻愛吧
這匹黑馬 心裡仍純白像雪花
我結婚了 能和爸爸還和媽媽陪同出嫁
完全因你們曾給我完全的家
找到黑馬 風雨沿途灑
陪我飛奔好嗎？
這位公主今天亦恨嫁
黑馬 你知嗎？
每位好友聽我議論你有點夸
我會話 沒有假
新娘妝亦可慢慢化
讓我再看看我的爸媽
為我輕揉裙褂披上頭紗
女兒像你嗎？
我結婚了 紅紅鮮花長長婚紗緩緩出嫁
傻傻的你傻傻的我傻傻愛吧
這匹黑馬 心裡仍純白像雪花
我結婚了 能和爸爸還和媽媽陪同出嫁
完全因你們曾給我完全的家
找到黑馬 風雨沿途灑
陪我飛奔好嗎？
有如神話我能騎著馬
跨過 千里 遙遠都不可怕
也許早已註定你
可使我再怒放心花
我結婚了 紅紅鮮花長長婚紗緩緩出嫁
誰曾心痛誰曾心掛誰曾責罵
不必牽掛 今日完全付託他
我結婚了 能和爸爸還和媽媽陪同出嫁
你看得清楚幸福感覺滿溢嗎？
這黑馬 風雨沿途灑
陪我飛奔好嗎？
這童話 陪我一生好嗎？
【好姊妹：一齊護肚加持】
同鍾嘉欣系好姊妹慨處女黨成員王君馨、李亞男、苟芸慧同岑麗香喺婚禮上齊齊向嘉欣送上祝福，更不忘送香吻，祝嘉欣同老公Jeremy愛得甜蜜！一班姊妹仲同新娘子大玩護肚，有咁多靚女加持，唔知將來個B會唔會更標青呢？
【最浪漫一刻：嘉欣老公錫得肉緊】
喺會場慨玻璃窗度，透出疑似一對新人慨剪影，照推斷，新郎哥Jeremy應該系向新娘子鍾嘉欣送上甜蜜慨一吻，而新娘子迎接呢個浪漫之吻慨時候，仲要頭都側埋，睇嚟錫得相當肉緊。