藏毒、家暴、外遇壞事做齊，還死不肯簽紙離婚，硬是要拖累前妻趙頌茹同兩個女，周永恆（Roy）無賴到極點，但奇在竟然還有女人敢跟他，看新歡的背景，跟周永恆的底一樣厚，就明白什麼叫臭味相投物以類聚了！難怪他們說兩個都是有過去的人，會一起pray一起play。
周永恆新歡是女子組合o.m.G成員黃詠珊（Cherie），面尖波大的Cherie有不同中文名，曾用黃芊詠組成Triple Secrets。除了整容整到面目全非，情史一大籮，Cherie個人信用和財政才是大問題，凝聚一堆債主開設群組聯合數臭追債！有網民爆料指，原來她試過開電話鋪，舊機翻新當新機賣，試過租借打碟器材拖欠費用，試過請人看店不出足薪水，又試過哄騙前度向財務公司借貸，這裏一萬那裡幾千，加起來數目絕對不少，最可圈可點還是債主追不停，臉皮不薄的Cherie拖拖拉拉，又粗口又爛舌，還推搪自己在陪客，沒空還錢，一個藏毒家暴加外遇，另一個就出軌欠債偷蒙拐騙，Cherie和Roy真是天生一對，世紀最賤組合！搭上以後不知道有沒有相逢恨晚的感覺呢？
周永恆十足過街老鼠，新歡Cherie一樣到處是仇家，除了有一大堆債主咬住不放，還有前度爆料數臭。
原來Cherie和周永恆搭上之前，有個旺角系陳姓男友，一樣愛得非常轟烈，這位陳先生把愛的反面就是恨這句話發揮到淋漓盡致！在熱戀期天天曬恩愛洗版，為Cherie向財務公司借錢，最誇張的是曾經為了Cherie自斬左手尾指，愛得激時恨亦深，陳生和Cherie分手後，就把兩人對話放上facebook互罵，還不惜告訴全世界，Cherie曾經出軌給自己送了一大頂綠帽！
你沒看錯，是真的為了女朋友斬手指，實在要說一句問世間情為何物，直教MK仔手指相許，新歡周永恆，你準備好壯士斷指沒？！
新歡 Cherie擁有 34D巨胸，周永恆點會唔嗒糖？（網上圖片） 債主開 group chat爆料
Cherie接受傳媒訪問承認爭人錢，解釋係因為被生意拍檔陷害。
不過死性難改，周永恆同 Ruby分手後，極速搭上自稱將會出道的女團 o.m.G成員 Cherie。雖然新女算係圈中人，但知名度與工作量近乎零，日日冇工開，同周永恆累鬥累。
被指曾經整容的 Cherie，背景亦複雜。近日有讀者報料，稱 Cherie欠下萬幾蚊打碟器材錢唔還，已有一堆債主開了 WhatsApp群組追數，更 share Cherie的私照；又爆 Cherie曾在旺角先達開電話鋪，將水貨機同二手機翻新當新機賣，又出唔足糧俾旗下員工，經營手法非常有問題！
「叫雞都要俾錢！」
上月 5日因襲擊罪被判守行為 1年的周永恆，個底真係愈來愈花！
財政混亂，感情生活同樣複雜。據知 Cherie曾有一個陳姓前男友，拍拖期間，男友為 Cherie去財務公司借錢。兩人除了有金錢轇轕，陳姓男友亦愛得相當投入，知道 Cherie有第三者後曾試過自殘，竟為女死為女亡，斬掉左手手指尾，還不介意 po相在 fb。
陳姓男友選擇將家醜外揚，在 fb踢爆 Cherie有外遇，爆粗怒吼「點×解要俾綠帽我戴呀？我做錯乜×嘢呀？」而 Cherie亦有開 po回應，「叫雞都要俾錢！我都未×見過啲男人分手分得咁× cheap！」
「唔係自己對手」
擁有 34D巨胸的 Cherie，去年尾同周永恆撻著。最初周永恆為 Cherie監製新歌，兩人都對音樂有興趣，加上當時剛與 Ruby分手，冇女陪自然身痕，索性改追同屬基督教的 Cherie。
話係基督徒，但兩人已於男方寓所同居，面對有家暴記錄的周永恆， Cherie在 fb笑指男友唔係自己對手，又話好欣賞佢有才華。熱戀期梗係乜都好啦，有阿 Yu同 Ruby咁多受害人都未識驚，放長雙眼睇渣男與是非女呢 pair天生一對又點收科啦！
分居近兩年，獨自湊兩個囡囡嘅阿 Yu，希望盡快同周永恆離婚。
Ruby話同周永恆近月冇再聯絡，連恐慌症都漸漸康復中。
拍拖個幾月， Cherie已不斷在 fb高調認愛。（網上圖片） 前度男友
Cherie同前度陳生愛得痴纏，拍拖期間不時頭貼頭同咀嘴合照。（網上圖片）
戴綠帽斬手指Cherie前度竟然因為分手而將左手手指尾斬去，都幾癲！（網上圖片）
陳生在 fb呻自己戴綠帽，唔知個第三者係咪周永恆呢？
Cherie同前度不歡而散，兩個都爆曬粗，好激動！ 臭史一大羅
周永恆新女 Cherie外貌 MK，背景亦唔簡單，自從搭上周永恆後，大堆人爭住爆佢大鑊！
唔同樣疑似整容前後的 Cherie，無論五官同面形都完全唔同！（網上圖片）
網上圖片
《追數郡組》
Cherie欠落一身街數，有債主開咗個 WhatsApp追數群組爆 Cherie臭史；亦有債主私訊（右）。
《無良商人》
有人聲稱曾在 Cherie的先達手機鋪做 sales，力斥 Cherie係無良商人。
《 6千都唔還》
本刊得到 Cherie與另一友人 C小姐的對話截圖。 Cherie因打碟器材爭人 6千蚊都拖住唔肯還。
《上海陪客》
在 WhatsApp中的「 Cherie」聲稱自己接咗個上海客！乜嘢客呢？
愈撈愈霉
雖然周永恆成事不足從來冇紅過，不過的而且確離開趙頌茹母女以後的事業運再衰多幾錢重，如果半桶水教練同合組渣男音樂組合都叫事業的話……
《講乜都錯》
基本上周永恆喺面書發表任何言論都會被網民攻擊，唔只新歌新女新戀情，連早排自稱死過翻生大徹大悟想返轉頭搵老婆都被全民鬧爆！
《轉行被炒》
香港撈唔掂，去年北上深圳投靠細佬合股搞瑜伽中心，仲一度為搏闊太客歡心赤膊教拳，不過好景不常，兩個月前自稱怕影響細佬生意經已退股。
《小三都嫌》
新歡一個比一個不濟，舊愛阿 Yu連提都唔願再提前夫，周永恆被嫌棄到一個點，係連前度小三 Ruby都形容兩個人一齊嘅歲月係「人生黑洞」。
《負負得負》
所謂物以類聚，全香港樂壇唯一仲肯同周永恆合作嘅，竟然係曾經出賣前度連詩雅求上報嘅 rapper曲赤（右），兩個渣男一齊合作寫自嘲歌，諗住負負可以得正？
MK LOVE STORY
老老竇竇，拍拖拍到要斬手指，值得咩？分多幾次手仲有手指淨嘅？不過咁， MK男女不嬲有佢哋獨樹一格的示愛方式，搵多幾個案例、拉勻成個 MK界嚟睇，斬手指原來都係冰山一角！
《文學大賞》
無論熱戀定分手， MK男女都鍾意上網抒發情緒，無論中文定英文，都好易成為網絡金句，可讀性仲高過旺角活地亞倫葉大導嗰啲！
網上圖片
《新意自殘》
界手界大髀人人都識做，要喺自殘當中找到新意，有人會用刀仔自隊，亦有人會用人血二次創作，力求殺出一條血路。
《一啖砂糖》
甜蜜蜜嘅時候可以飲經血仲話食屎添，反面時輕則 cap圖重則公開個人資料數臭，呢啲咪一啖砂糖一啖屎囉！
網上圖片
《鐵窗內外》
唔只被羈押時喺差館要打卡，亦都有 MK仔犯事上庭打卡，女朋友仔在鐵窗外遙距祝福示愛，有情有義可歌可泣。
《記得自拍》
病要自拍、喊要自拍、自殘自拍、尋死自拍、飲醉酒自拍、連入冊同送殯都要自拍，萬大事最緊要自拍咗先。
網上圖片