拍拖其實系一門好高深的學問，唔系簡簡單單拖住手，行街街，跟住臨走再送個香吻就等於成功地拍拖，唔信?大家睇一睇呢位絲打點解咁煩惱就知。
對男人嚟講，女人心，海底針;其實對女人嚟講，男人心一樣。(網上圖片)
最近有位絲打因為唔知自己男友諗乜，所以好煩惱咁喺討論區問PO呻，順便問埋網友到底自己應該以咩心態面對男朋友好。首先，絲打先投訴男友唔夠主動，次次都系自己主動約男友:「男友工作好忙，每次都系我問佢得唔得閒出黎(嚟)，問佢邊日食飯，唔問就唔會主動想約出黎(嚟)，話過佢，每次話完好d(啲)，之後又重複。我都覺得自己好煩，好乞衣(兒)，同時佢又覺得好辛苦，話成日要諗去邊，事實上每次都系我諗多。」
最近有位絲打因為唔知自己男友諗乜，所以好煩惱咁喺討論區問PO呻，順便問埋網友到底自己應該以咩心態面對男朋友好。(P.1)(網上圖片)
跟住講到結婚話題時，真系搞到絲打好灰:「之前講結婚呢個話題佢好坦白話唔想結，冇諗過拍左(咗)一年半拖，沒有見過大家屋企人，佢覺得冇必要。其實我冇話好急 ，只系佢講到明唔會結，我就覺得有d(啲)sad，段關係好似冇咩將來咁。」
P.2(網上圖片)
面對男友呢個情況，絲打都只要一直說服自己，同自己講，愛一個人要包容，但絲打真系好辛苦:「同自己講過愛一個人要包容佢，所以我好配合，唔見就唔見，同自己講要體諒佢忙，唔結婚咪唔結婚，同自己講冇必要急，好遷就好體諒，好想做一個體貼既(慨)女友，但有時咁樣真系覺得幾辛苦唔知捱到幾耐，佢另一方面又覺得我俾佢好(大)壓力，覺得我好(似)成日迫佢要出黎(嚟)，去呢度個度咁（其實我只系想行下山，去公園散下(嚇)步咁啫），搞到大家都好辛苦咁，我唔知大家咁樣可以點走落去。」所以絲打有諗過分手，不過始終敵不過回憶。
P.3(網上圖片)
絲打最後都補充，話自己真系好攰了:「佢個人就系咁。我知對住我，佢已經做左(咗)好多佢平時唔會做既(慨)事。可能我地(哋)期望唔同啦，佢覺得付出左(咗)，我只系覺得好基本，唔明有咩咁難…
唉我唔知可以點，佢做咩總有解釋，總有理由，系我唔諒解佢，系我貪心，我累了。」
見到絲打咁灰，可能真系會打擊唔少情侶，而家唯有俾多啲力量支持絲打，幫絲打打打氣啦，如果絲打男朋友真系對絲打有心，最終一定會明白絲打的，加油!