翠如BB開到聲想收手鍊，蕭正楠識做啦！
廣告新寵黃翠如近日老是常出現，情人節孖住男友蕭正楠甜蜜吸金後，今日中午單拖現身首飾品牌發布會搵真銀。
黃翠如一身春裝出席首飾品牌發布會。
同蕭公子拍拖年幾感情穩定，早已放棄女神之名慨翠如BB唔介意高調講男友，活動期間自爆恨收手鍊：「我覺得將對方（伴侶）送俾自己慨嘢放喺身上面，系一件好sweet慨事，手鍊系我自己好鍾意慨，因為戴喺身好似同對方有個connection咁，所以都可以送手鍊俾我㗎！」又提到自己最鍾意雛菊：「雛菊睇落感覺好似弱不禁風，但系佢可以渡過嚴寒，春天就會好靚，作為女性最緊要俾人覺得，我哋就算系女仔都好，都可以獨立自主。」
期間大讚男朋友有品味。
問到佢對手鍊有乜要求，翠如BB就sweet爆咁話：「系自己揀就得㗎喇！（男朋友通常揀乜嘢款？）佢揀啲好簡單好簡單，佢taste其實唔錯，佢會揀啲我真系帶到喺身邊慨款式，同埋佢鍾意揀啲花慨形狀俾我。」白色情人節就到喇，蕭公子收到未？
真系愈來愈有夫妻相。