24歲盛女Whitney（阮嘉善）大前年參加大台真人騷《求愛大作戰》，因為最靚最索成為新聞人物，同年她閃嫁媽模陳靜儀（Mia）前夫莊家傑，一度與Mia隔空互數，當時兩公婆一條心對抗外敵，感情有增無減，未料Whitney前年誕長子Chalmers後，於去年陀B女期間，忽然在網上宣布離婚，後經婚姻輔導員協助下破鏡重圓，未料只維持半年，有指因買樓撻定損失60萬，Whitney於上月與莊家傑簽紙離婚。
■去年鬧婚變後，Whitney與莊家傑和好並經常在網上曬家庭照。
盛女Whitney2013年閃嫁「媽模」陳靜儀（Mia）前夫莊家傑，明知男方冇錢冇家底，仍願意隨他過清茶淡飯生活，前年誕下長子Chalmers，去年9月再誕得意B女Valerie湊成好字，她亦不時在Ig貼一家四口合照，溫馨家庭令人羨慕，但本報收到消息，Whitney與莊家傑原來上月已簽紙離婚，更有指Whitney對莊家傑終極心死，與她去年交託做地產經紀的莊家傑買樓，最後因按揭問題被迫撻定，令Whitney損失60萬血汗錢有關，加上Whitney已有追求者，令Whitney終於的起心肝離婚，Whitney日前在銅鑼灣接受《蘋果》訪問，堅決否認離婚涉及第三者：「我哋再見仍是朋友。」
■Whitney日前接受本報訪問時，透露去年榮升業主不成，撻定蝕60萬血汗錢。
目標有差距
Whitney說：「其實一般情侶由拍拖到結婚、離婚都有一段故事，唔想一一去講，今次系大家都經過深思熟慮，再見仍然系朋友，小朋友會跟我，但佢都會安排時間見小朋友。」問Whitney離婚原因，是否如傳聞所說與去年買樓不成有關，還是因為有新追求者？Whitney即時澄清：「一定冇第三者，雙方都冇，我同家傑都聽到呢啲傳聞，唔想畀機會人製造新聞，系有朋友關心我，即刻介紹男仔畀我，但現階段唔會接受，只會將心思放喺仔女身上，唔想有人藉機會製造假消息，我哋喺和平氣氛下決定呢件事，分開因為大家思想同目標有好大唔同，兩個人都已經盡咗力。」
考慮做幕前
至於買樓撻定事件，Whitney無奈說：「間樓系撻咗定，乜原因唔想詳細講，只可以話系計錯數，因為我系自僱人士，按揭部分計錯數，最後惟有撻定，都損失咗60萬，系好心痛，但為咗仔女要堅強，系一個經驗，惟有努力工作。」她承認過往一直有經理人公司斟洽合作，她說：「我從來冇發明星夢，如果有，我一早入咗行，所以之前有人搵都拒絕咗，但係為咗一對仔女，要為佢哋將來諗，
13年參加大台《求愛大作戰》慨「盛女」Whitney，同年突然宣布閃嫁「媽模」Mia的前夫莊家傑，繼而Mia同莊家傑互數不是，當時Mia拋出因果論「祝福」Whitney話︰「你今天種下的因，將得到我今天的果，祝你好運。」結果，真系被Mia講中。
Whitney同莊家傑上年生咗個仔後，不時喺網上曬恩愛，到前日Whitney再喺微博po兩公婆合照，宣布再度懷孕，仲公開話今胎系佗B女。但昨日(1日)Whitney突然喺facebook宣布「分訊」，佢話︰「終於離婚了，相信有不小(少)人和我一樣感到開心解脫，我會努力照顧我最愛的小孩們，我的事業、我的品牌一樣會如常進行新產品，大家不用擔心。」
嘩！十足十電影橋段，其實上月11日Whitney喺fb 仲po緊莊家傑餵奶片，表示︰「這個人現在變得很稱職了，好吧，再分多點愛給你，啜啜啜啜啜。」估唔到咁快就離婚。究竟發生咩事？Whitney喺昨日回應話離婚唔關第三者事，記者今日再打畀佢，佢已經冇聽電話，之後再打畀莊家傑，佢好冷靜咁話︰「你打番畀佢(Whitney)，我唔方便講嘢，Bye Bye！」
至於估中曬的莊家傑前妻Mia又點睇前夫同Whitney離婚？佢今日透過短訊回復話︰「他們的事，我不想把小朋友牽涉在內。一些預期會發生的事不需要回應了！」據了解，莊家傑其實只是一名居於大埔的屋邨仔，返朝九晚五的白領，佢同Mia離婚時，就被Mia公開指責佢無畀家用，供養一對仔女，家傑與Whitney仲曾經同Mia展開罵戰，事件甚至驚動莊媽媽，幫理不幫親，寫信力撐Mia是一個好老婆、好媽媽。
Whitney同Mia前夫莊家傑離婚，婚後經常曬恩愛，而Whitney仲陀住第二胎，估唔到噚日就宣布要離婚。
Whitney前日先公布懷第二胎。
之前仲好恩愛。
媽模Mia同莊家傑生咗一仔一女，但離婚後佢要獨力供養一對仔女，佢鬧爆莊家傑並無畀家用。