早上，收到了一個久違老朋友的電話。中學時期同學，叫肥楊。叫做有間唔中聯絡嚇，久唔久會一大堆約出黎食過嚇飯咁。對上一次見面，系我結婚請飲。
肥楊打黎既目的，系告知我佢既結婚消息。
「阿達，兩年無見啦，上次見你系我飲你果餐，今次輪到你做人情啦。我今年年尾結婚，系某某婚宴廳擺酒。希望你到時嚟飲多杯。」
好奇心驅使下，我問了新娘子的來歷。
「呢幾年我經常去大陸出差，見埋識埋啲人多數都系大陸。你知啦，果邊啲二三線城巿比較落後，夜晚無埋消遣，都系同班鄉下同事去食嚇飯咁。
間廠入面有個鄉下黎既妹妹仔，廿歲未夠，個樣好pure好true架，佢話自細系鄉下耕田，佢為咗養起屋企，細細個就去到城巿打工幫補家計。
望落純純品品，每當我同佢講自己既事，佢都會好留心咁聽。阿達，你知啦，我地呢啲毒撚，成世人有幾多個女人會咁留心我講乜？
連我老母都系佢有佢講。以前成班人出黎聚會，搵我出黎都系用黎凳腳湊人數，出到黎咪又系柄埋一邊，從來無人會好似阿蓮咁，咁留意我講咩。」
我立即提醒肥楊注意用詞，毒撚只系肥楊自己，唔系「我地」。我假假地都系個已婚人士。
肥楊唔理我，繼續佢有佢講︰「阿蓮份人雖然讀書唔多，不過分人夠哂小鳥依人，得閒又整鄉下點心送俾我做小禮物，試問一個身在外地既男人點會唔心動吖？」然後肥楊又開始細數以往在香港溝女失敗經歷，大數港女不是，下刪三千字。
不過肥楊呢句就令到我有些不快︰「其實我都唔系好明點解你會同依家個女人結婚，香港女人有咩好？」
算，人逢喜事總系容易飄飄然，語無倫次。雖然我心裏面原諒佢失言，不過已頓感無癮，求其講幾句客套祝賀辭就匆匆掛線。
肥楊呢類故事，早就耳熟能詳，這類同事或朋友的婚宴，也去過好幾遍。在大陸遭遇海難沉船的，肥楊絕對唔系第一個，亦唔會系最後果個。對於肥楊呢箇舊朋友既處境，只能深表同情。
在電話筒的另一邊，聽著肥楊雀躍高亢的聲音，我實在不好意思戳破佢泡沫般既綺夢 ― 何況彼此的友誼未深厚到讓我無所顧忌去潑冷水的程度。
肥楊系典型宅男。肥矮毒柒窮五毒俱全，書展會去買周秀娜攬枕，房間貼滿動漫女角果種。一個人俾人恥笑都唔算最可悲，最可悲系連被人恥笑談論既價值都無，肥楊就系果種行過都唔覺，存在感近乎零既幽靈。畢業之後，肥楊搵咗份人工萬尾既採購工，樓就買唔起架啦，自己養自己還勉強過得去，窮心未盡色心又起者另計。
去圈子中友人一致認為，如無意外，肥楊都系要同五姑娘做人世。肥楊份人雖然毒，對朋友的想法還是具備一定敏感度。肥楊娶妻，與其話真系諗住搵個人過世，不如話想塞住班朋友把口，為咗份虛榮感。
我唔知肥楊為咗虛榮，願意付出幾多。似乎每個大陸新娘，鄉下總有個患重病俾唔起手術費既親戚，總有一大班嗷嗷待哺既細佬妹。男人為咗虛榮面子，有時真系可以去到好盡，以至於傾家蕩產都在所不惜。
咩港中矛盾，新移民黎攞福利，輪公屋，對於肥楊黎講，太遙遠。畢業後叫做見過肥楊幾次，
佢成日話︰「你地香港人搞還搞，咪搞到我份工。」系飲食男女面前，無人不是奴隸。對於沉淪慾海既海難者黎講，咩香港人既榮耀，真系算個屁。難怪每次見到肥楊，總覺得佢一身蝗味越黎越濃，大家既交談也越來越話不投機。
「你估個個好似你咁好彩咩，達哥。」每次講起男女話題，肥楊總系語帶譏諷咁講。
當然，為咗顧全朋友之誼，我都忍口盡力克制住反唇相譏既衝動。
每次我都想講︰「其實唔系彩數問題，系意志、策略，同埋對自己有無要求既問題。」
系，我知好多大陸妹系好索，好多港女確係橫蠻無理公主病吊飛機場高黎賣鍾意收兵，但每一段關係最基本不過系一樣野︰溝通。文化背景唔同，成長經歷不一既兩個人要走埋一齊，唔系唔得，不過彼此都要付出超乎常人的耐性同心機。猛虎不及地頭蟲，人地有心隱暪背景身世，易過借火。
或者真如肥楊所講系我好彩，識親既香港女仔，表面上拜金又好，公主病也好，好多其實系鱷魚頭老襯底。而近日香港的時局發展，令到好多平時只談LV討厭政治的港女，都有所長進。如果話香港女仔系可以經調校後tune到台聽到既收音機，大陸妹則多數系一部永遠只得雪花既電視。
如果您只系樂善好施，想救助多啲身陷匪區既囡囡既話，救一人的功德不如普渡眾生，分散投資，則多幾個能蒙施主福澤，為善最樂，福有攸歸。
可憐的人，總有其可恨之處。想起可憐的肥楊，我從錢包取出三張紅衫，塞入利是封，並托咐出席的朋友代我交俾新郎，當系睇在大家咁多年同學份上既一點點祝福。
肥楊，祝你好運。