呢排高登巴打最熱傳的潮文「以為有得同女神去旅行，點知原來現實系好殘酷」，由兩日前早上到依家，已經有近千留言洗到第四十版，「最鍾意睇人仆街」的高登仔仲一面倒俾正評，大家睇過未呢？
事源兩日前有兵仔(Alex)po篇唔長唔短慨文，詳盡悲慘地描述同女神的關西trip：「第四日改機票番左（咗）香港」。
點解咁慘？因為呢位兵仔話女神開到聲YEN好抵想同自己去日本，佢就算窮到「成個月都系帶飯盒」，都即過兩萬蚊數請女神去關西玩。雖然女神無錢要佢請的藉口都好舊好流：「佢就話呢排細佬升左（咗）大學，要幫屋企供埋一份無咩錢剩。」
其實兵仔都認有點立心不良。「去得就可能有得（曳曳），咁咪我請埋囉(又要用多一個月糧) 。」
點知到出發當日，兵仔體貼地「專登帶多張八達通請佢」，女神卻唔肯同住得好近的兵仔一齊搭機場巴士，直接去機場大堂等。一到就得不了，兵仔的女神身邊，竟然出現一個高大帥！
「佢身邊竟然重（仲）有個男仔（名為Alan)! 個男仔高我成個頭，大大隻只，總知（之）成個A&F D Sales咁。 」當兵仔問女神點解唔系二人世界，『佢即刻笑笑口咁話:「幾時講過姐，你又唔系我邊個傻既（慨）。」 』
世上有無比呢個更慘的觀音兵畫面？不過兵仔最後都有上機：「三個就坐三人位，女神坐中間，佢成程機都剩系擰去Alan個面，我就一粒聲都無出過。 」
去到關西情況仲差，女神預訂兩間房，佢同靚仔同Alan一間，兵仔自己一間。兵仔Alex的角色，竟然系「成程我就系負責幫佢地（哋）影相同拎野（嘢），有時我重（仲）見到佢地（哋）會系台（台）底拖下手仔咁…. 最後我終於忍唔住，同佢地（哋）講屋企有急事，系第四日改機票番左（咗）香港…」
呢篇潮文情節咁豐富，就梗系激起千重浪。應巴打要求，兵仔Alan仲出示埋疑似同女方的WhatsApp對話，女方打格相，甚至連兩萬蚊過數紙都有，真系好真喎！
不過說時遲那時快，萬能慨巴打即發現，呢個所謂兵仔其實月初先po另一潮文「尋晚飲大左（咗）…而家好Ｘ後悔」，話自己因為醉同個女性朋友搞埋。「我而（依）家覺得好對唔住女朋友，同埋覺得同佢既友誼變左（咗）質。」有女友忽然變另一女神只兵？高登出好多網絡作家嘛！
而呢篇潮文由於有齊主角配角，巴打好快就發揮想像力，以女神，男神，兵仔老母同女神細佬身份開post，四個身份都以第一身寫法，惡搞返段潮文。要睇曬四段再睇埋原post千個留言，真系追post都追到眼澀啦!
兵仔版原文，真系好有畫面。
連WhatsApp都有
女神版
男神版
原文中只系話讀緊書的細佬，都有第一身版本。
兵仔老母版怨個仔無買手信
娛圈兵仔王就梗系大隻仔溫家偉