太陽娛樂老闆周焯華(洗米華)去年12月跟情人Mandy Lieu上演「世紀一拖」後，小三Mandy成功坐正，早前更傳出已經陀B四個月！正印洗米嫂陳慧玲(Heidi)心灰意冷下跟洗米華一刀了斷，宣布離婚。
不過洗米嫂已經火速收拾心情，近日頻頻出席朋友聚會，似乎比做當周太時更加活躍，前晚仲同洗米華前後腳在澳門睇麥當娜(Madonna)演唱會。其實洗米嫂狀態大勇系有原因的，話說佢近日被爆同幾位朋友上月去韓國旅行，同行仲有一位身形健碩的留須猛男，被指系洗米嫂的追求者！
原來洗米嫂同呢位猛男都唔系新相識，兩人在Facebook早有合照，似乎過從甚密。雖然洗米華同Mandy愛得高調，不過洗米嫂都唔執輸，各自各精彩！究竟呢位猛男系咩來頭呢？
據知呢位型男名叫Why Wong，系一位時裝造型師及髮型師，年紀都系三十過外， 跟34歲的洗米嫂相若。Why Wong有一張俊臉之餘仲有健碩身材，望落同洗米嫂都好匹配！
據知洗米嫂決定和洗米華離婚後，身邊即時冒出不少追求者，而呢位Why Wong近日喺洗米嫂身邊頻頻出現！唔知幾時有好消息呢？