拍拖真係好辛苦
份糧得1萬鬆D~俾家用無左1半
自己已經唔係點洗
但係拍拖食個譚仔都洗差唔多成百蚊,好多時又會食好D..咁就2,3百
睇場戲又百幾2百,節日呀,生日呀買野送俾佢又幾百至1千
去次旅行又皮幾野
我好鍾意我女朋友架
但係依家儲唔到錢我真係唔知自己點同條女講將來,連份積蓄都用左7788
又怕俾佢老豆老母睇唔起
以前單身真係無呢D問題~每個月有幾千蚊剩
舒舒服服又1個月
其實我係搵萬2左右~俾5千家用
一路比開咁多
唔通無啦啦走去同老母講
我要拍拖呀~俾小d得唔得呀咁樣咩
由細養到我大~讀ive讀左佢地十萬都有
唔俾返咁上下佢地我真係唔好意思
(呀媽已經話我剩係同條女去旅行,又唔陪下佢兩老去)
依家出親街都要諗過度過....真係好煩
2個米線2-3餸
加杯冰飲都差唔多40蚊碗
加多幾隻雞翼就1舊架啦
成日自己食平D等條女嗌到貴一貴都可以打返均
有時真係唔係話肯唔肯陪我捱
係你做男人都唔好意思同條女講無錢呀~不如餐餐食m記啦
有最好既都想俾最好既野俾自己鐘意既人食
73%受訪男：唔拍拖因無錢
有團體訪問二百多名港人男女，了解他們的拍拖情況。結果顯示，三成半受訪者單身，當中六成三是女性。單身男中，七成三認為「無拖拍」的原因是無力負擔支出；單身女中，七成一認為自己「無拖拍」的原因是不定時工作。有社工指，兩性平等的概念有助建立關係，冀社會去除「剩男」、「剩女」的負面標籤。
明愛向晴軒以網上問卷形式訪問了二百卅二人。八十一名受訪者為單身，女性佔六成三；在卅至卅九歲的年齡層中，單身女性更比男性人數高出一倍。半數以上單身人士擁有學士或更高學歷，三成六的每月收入兩萬元以上。
倡推廣性別平等
社工王翠珊指，單身男認為自己需要負擔拍拖的大部分開支，無形中給予自身壓力，但調查發現，大部分女性有能力及願意分擔部分開支，因此有必要推廣性別平等。
她又指，「剩男」、「剩女」的標籤使單身人士的自我形象受打擊，部分更因學歷及年齡影響結識異性的信心，冀社會去除標籤化。社工馬穎兒指，港人工作時間長對單身者建立愛情關係，及情侶維持關係都有影響，籲兩性要更注意溝通質素，多一起做有益身心的活動，保持愛火花。