我開呢個post都係想聽下大家ge意見. 因為我唔想自己拖住佢, 變左"騎牛搵馬". 呢個仲賤格過"港女"
e+我知道應該點做啦~
我會揀同佢繼續一齊, 因為我琴晚有個我男朋友傾過. 原來佢有為我地將來打算ge. 可能佢之前未拍過拖, 所以冇計劃過.
佢話e+有左我之後, 佢會改變, 佢會為我地將來著想, 叫我俾d時間佢.
而我決定相信佢, 俾d時間佢. 因為我唔係唔愛佢, 而係我想我地將來都好d.
既然佢都有heart想同我有將來, 我相信佢會為我去改,為我而努力.
希望大家祝福我地.
我可以重申, 我唔係一個貪錢ge人. 唔係因為佢冇錢而分手, 而係我太想我地有將來, 而我又心大心細.
我知我有"分手"ge諗法係我唔好, 不過多謝你地鬧醒左我. 唔駛我自己一個鑽牛角尖.
係"香港討論區", 知道自己都有好多人撐, 好多人俾到意見自己, 好多人同我分享你地ge經驗. 真係好開心^^ THANK U
仲有,E+ ge社會真係好快變左女權主義, 希望男人唔好再"pear"落去, 我地女仔好多時都係想為自己爭取更好ge將來.
點解咁樣就係"港女"?! 我地公司d男人就係咁, 做野唔俾心機, 凡事都得過且過. 咁樣做野, 只會俾人覺得男人係"無用"!
我都知好多男人e+仲好努力為自己ge將來奮鬥, 希望你地加油. ^^
(p.s 有好多覺得25歲搵25k/month係吹水, 不過呢個係不爭ge事實. 好多女仔都好努力, 2010年係旺季, 出20個月糧好正常, 唔好覺得冇可能!)
希望各位係兔年努力工作, 為自己 & 自己ge另一半爭取更好ge生活條件~
_______________________________________________________________________________________
Jan-27,2011
小女子今年話細唔細, 都20歲幾啦. 依家都幾煩惱!!!!!
同男朋友拍左4個幾月, 都好似好甜蜜. 不過琴日大家傾傾下, 傾到人工GE問題. 我講左, 我每個月搵16K啦, 佢就話佢都係低我少少, 佢只得11K. 我聽到之後, 有D唔開心, 因為佢人工都真係幾低. 我加埋BONUS平均都有25K, 但係佢只得我一半. (我一直都知道我既人工高過佢GE, 所以我一直都唔敢問佢GE人工係幾多.)
有D呆左~~~~~~~~~~~~~~~~~~~~~~~
問題就係, 佢今年30幾啦, 都仲係搵緊11K, 住公屋, 又好似冇咩錢, 最重要係佢冇咩上進心, 0係一間公司做左幾年都冇升職, 佢都冇所謂, 而且又唔去讀下書. 雖然佢冇咩不良嗜好, 對我又超級地好, 好就我. 不過我真係覺得我地好似冇將來, 但我30幾歲, 人工可能高佢幾倍, 唔通要我養返佢呀!
身邊D人, 尤其係我上司(男), 知道我同我男朋友拍拖, (我上司有問我男朋友GE條件, 我照實答左), 佢超級反對我地一齊. 成日都叫我分手啦, 冇前途架, 以我咁GE條件一定可以搵個更好GE,搞到我都唔知點好. (我上司都40幾歲, 佢成日都覺得我好靚女, 好多人追, 不過事實唔係, 我一D都唔靚, 又冇咩人追.)
其實我又唔係好介意佢窮, 不過佢連少少GE上進心都冇, 我真係睇唔到我地有咩將來, 佢應該會係一個好顧家GE男人, 但係"貧賤夫妻百事哀" 我唔想到時結左婚先黎吵. 而且佢都唔細, 我都唔係好想擔誤佢, 因為佢對我好好. 如果真係要結婚, 我一定要有層樓, 即使公一份, 婆一份都好. 不過我覺得佢唔會有錢同我夾份買樓. 而且我又係好大使, 我係用自己GE錢, 唔係用佢GE錢.
我唔係好想認我係港女, 不過我咁GE心態, 唔到我唔認. E+點算好, 我唔想騎牛搵馬, 唔通搵個條件好GE, 就飛左我男友咩...咁樣, 我覺得仲賤格. 其實我想趁我地感情都唔係好深, 分左手都唔係好傷心. 反正一直以黎, 我都只係見到身邊GE朋友都有拖拍, 只係想有人陪我,有人錫我, 我先至拍拖. 不過E+諗諗下, 唔拍拖都OK GE.
係度諗, 不如分開下, 叫佢搵個其他女仔. 不過我又驚自己搵唔到一個好似佢對我咁好GE男朋友, 真係心大心細.
不如大家俾D意見我呀~
______________________________________________________________________________
UPDATED ON JAN-29
琴晚,我有試探左佢GE口風, 佢話佢都唔知讀咩書好. 而且最重要係佢唔LIKE讀書, 如果佢LIKE, 佢一早就去左讀啦.
之後,我就收左聲. 轉話題啦~
我睇到好多回覆, 好多人都話我係"港女" , 話我貪錢.
其實我同佢拍拖以來, 我都知我搵得比佢多. 所以平時食野, 貴GE通常係我俾. (係我爭住要俾,我男朋友都唔係好肯, 因為佢覺得出街應該係男GE俾), 而我買野, 一定係我自己俾返.
佢12月生日, 我請左佢去台灣, 飛機同酒店都係我一個俾曬(其他食飯及交通,佢俾) , 仲送左隻表俾佢.
我唔係想講我有幾好, 而係我只想佢會為我地將來打算下. 佢都30幾歲人啦, 點解仲係想原地踏步.
我就係因為愛佢, 所以想佢更好. 我唔想大家一齊耐左, 因為呢D問題而分手.
我承認我真係好自私, 不過人係自私GE~ 邊個唔想為自己爭取更好GE~