立法會福利事務委員會今日召開特別會議，就退休保障議題聽取市民意見。會上一名女市民關穎怡，在三分鐘的發言中狂轟政府施政及官員表現，連珠炮發，網民大叫痛快。
首先她指「喺呢個官商勾結、百物騰貴嘅香港，平民街市都比領展收購哂，買斤毒菜都要30蚊，3230蚊夠買毒菜定買燈油火蠟呀？」
她又斥政府不斷展開大白象工程，卻不願為民生問題撥款：「港珠澳大橋、高鐵、蓮塘口岸呢啲大白象工程，斬件式永無止境咁追加撥款，仲要夠膽死繞過工務小組，咩都粗暴通過，啲工程幾千億幾千億都唔嫌多，你用喺民生一蚊都嫌多？你同我講赤字？難聽啲講句，你哋班狗官仲衰過做賊囉！」
她又在發言斥警員向天開槍、「洗頭艇」論、梁振英涉嫌收UGL五千萬事件、朱經緯涉打人、陳茂波囤地風波等。
最後，她警告各高官：「我想remind一嚇，打工打到連自己條底線都唔知去咗邊嘅梁振英，（不過其實可能一路都無），同埋一眾高官、議員，同埋香港警察，呢個世界有一樣嘢叫『報應』。
呢一刻我可能吹你唔漲，但世世代代嘅香港市民都會放長雙眼，睇嚇你哋點折墮囉！」