喺香港娛樂圈蒸發咗一段時間慨江華最近蒲頭，仲轉埋行做保險。提起江華除咗覺得佢好劉華，同埋會諗起佢N年前拍大台套《九五至尊》外，大家又記唔記得01年喺節目《都市閒情》入面批評過參賽者阿舜？即系唱〈娃娃愛天下〉唱到出神入化嗰位「娃娃男」。
呢段爆笑片段相信唔少人得閒都會上YouTube重溫，咁大家又知唔知「娃娃男」現在又點？今日有高登仔開po話「呢個真系當年都市閒情果個阿舜?」，仲po埋疑似「娃娃男」個facebook同YouTube頻道出嚟。當年「娃娃男」咁受歡迎，所以呢個po即刻熱爆網，唔少高登仔都柯南上身，拎fb慨相同當年佢參加節目時對比，仲發現佢fb張profile pic就系當年「娃娃男」參加比賽時張相慨放大版，於是就好肯定咁話「娃娃男」再現喇！
唔少高登仔都表現興奮，因為終於搵到佢哋個偶像(之前曾有傳阿舜於沙士期間去世)，睇番fb入面啲相，雖然事隔多年但「娃娃男」個樣似乎仲後生咗喎，而頭髮就更加長，發色由以前啡金變成現在「MK金」，唔少高登仔都話佢keep得好，仲發現「娃娃男」已經成家立室兼有小朋友添，如果系真就真系恭喜曬！
《都市閒情》阿舜，大家仲記唔記得？相隔十幾年個樣仲好似仲後生咗咁喎！(網上圖片)
巴打起佢底咁多年，近日終於搵到佢個facebook喇。(網上圖片)
cover picture就系佢當年唱歌張相。(網上圖片)
欣賞多次佢獨特慨舞姿。(電視畫面)
當年「娃娃男」表現咁出眾，搞到江華都要批評佢。(電視畫面)
高登仔好興奮。(網上圖片)