自稱「天水圍陳浩南」、網名「劉馬車」的網絡紅人劉駿軒早日前就上載一條自稱被MK妹打慨短片放上網，引嚟大批巴絲熱烈討論。呢條短片約長5分30秒，主要就系「劉馬車」自己講話自己被一位MK妹搵人打佢，仲展示其腳上面慨傷口畀大家睇。
「劉馬車」喺片段中話自己起初同一名名叫劉X婷的14歲、幫佢化妝慨女仔出嚟玩:「話說，今日嗰個MK妹劉X婷呢，就約我出嚟玩，玩玩嚇，我捉住佢只手，佢幫我化妝，我捉住佢只手，大家有講有笑。」既然「劉馬車」講到大家玩得咁開心，點解又會突然畀人打呀?原來系咁:「玩玩嚇突然間佢話要走，我同佢講，玩多陣啦，我唔捨得你呀，之後就系咁同我拉拉扯扯，估唔到呢條MK妹呢，原來一直拖緊我時間，又喺度玩手機，原來佢吹雞。」之後就有人嚟啦:「突然間，殺出咗幾條古惑仔。」跟住咪令到佢只腳受傷囉。
大家聽完佢點講後，都應該唔會知佢系咩事被人打，不過只要大家有睇開「劉馬車」平時上載到YouTube的片，大家心目中應該會有一個答案的。
其實喺幾日前，已經有女YouTuber「lee ka yen」拍片話幫「劉馬車」化妝時俾佢抽過水，唔知今次佢被打，會唔會就系因為劉馬車又手多多呢?
「劉馬車」雖然活躍於YouTube界，但一直麻煩多多，佢成名原因，系因為喺2011年12月因以「adason0415」的帳號喺YouTube不斷拍片自稱三合會成員及恐嚇一名石姓人士，而受到網民關注。但因為該帳戶被指屢次嚴重違反YouTube的《社群指南》，以及或屢次侵犯版權，已喺2012年9月被停止使用。而喺2012年11月，「劉馬車」因向女同學求愛不遂，聲稱要「血洗校園」而被判感化，他仲喺感化期間喺YouTube上載恐嚇感化官片段，再度被捕，於前年被判入更生中心。
外號「劉馬車」慨網絡紅人劉駿軒日前上載一條自稱被MK妹打慨短片上網，引嚟大批巴絲熱烈討論。(網上圖片)
「劉馬車」自己講話自己被一位MK妹搵人打佢，仲展示其腳上面慨傷口，咁似特技化妝慨？ (網上圖片)
呢位就系疑似系「劉馬車」口中嗰位mk妹劉X婷啦。(網上圖片)
人哋唔肯上鏡，「劉馬車」堅持要拍人。(網上圖片)
喺幾日前，已經有女YouTuber「lee ka yen」拍片話幫「劉馬車」化妝時畀佢抽過水。(網上圖片)