有唔少情侶分手後往往都唔可以做番朋友，甚至仲會刪除曬對方慨資訊及聯絡方式，但如果幾年後再見對方，發覺對方完全變曬，仲靚仔/靚女咗，大家會唔會後悔呢?
近排就有位絲打見番3年前慨前度男友，發現佢比以往靚仔咗好多，搞到自己開始後侮當時同佢分手，仲話之後畀呢位前度狂串，搞到自己好嬲，所以就要上討論區大呻啦。絲打話前排喺大學同學聚會上見番3年前慨前度男友，但佢就比以往唔同咗好多啦:「GEL左頭、英倫稱身衣著，大隻左(咗)，講野(嘢)有point......諗番三年前，佢系一個毒毒地既(慨)四眼男仔，所有衫都系over size，頭又唔梳，講野(嘢)窒下窒下咁......」所以絲打一見番前度，就覺得好後悔啦:「自從同佢分手之後，我拍過幾次拖，個個事業有成，但無一個拍得長的，其實我都不時掛住當時同EX純真既(慨)愛情，見到佢，我即刻有D(啲)後悔。」
跟住前度就約絲打去飲嘢啦，點知絲打發現，前度唔止靚仔咗，而定仲有車添:「走果(嗰)陣EX主動問我去唔去飲野(嘢)，傾下(嚇)計(偈)，我嚇左(咗)一跳，因為當年分手佢好傷心，仲del(刪除)哂我D(啲)聯絡、facebook、我果(嗰)時唔知痴左(咗)邊條線，話OK AR(呀)，佢竟然叫我上車，我呆左(咗)呆，原來佢買左(咗)架(O架)車。」
去到酒吧，絲打就話已經做出唔少暗示，話想前度追番佢，「佢問我好多野(嘢)，而家有冇拍拖呀，分手之後拍過幾次拖呢，但我唔知點解想隱瞞，就話冇拍呀，單身左(咗)三年，佢哦左(咗)一聲，我諗住俾多D(啲)暗示，等佢追番我，就料(撩)下(嚇)佢只腳啦，點知佢無咩反應，仲突然之間笑左(咗)一笑，拎左(咗)部電話出黎(嚟)，電話系佢同一個幾白、幾靚既(慨)女仔既(慨)親蜜合照，佢話呢個系佢分手之後既(慨)女朋友，到而家已經拍左(咗)三年。」，「我已經冇哂心情求其應佢，點知佢又講笑咁話:"小心D(啲)冇人要呀，都26歲人啦"，最後嬲到爆炸，串我串到出哂面，我都唔記得最後點，只系記得我嬲爆爆講左(咗)句，祝你快啲做爸爸，之後就自己一個搭的士番屋企!」
究竟系前度小器定系絲打耿耿於懷呢?
近排就有位絲打見番3年前慨前度男友，發現佢比以往靚仔咗好多，搞到自己開始後侮當時同佢後手慨決定，仲話之後畀呢位前度狂串，搞到自己好嬲，所以就要上討論區大呻啦。(網上圖片)
網友們個個都系話佢葡萄。(網上圖片)
有唔少情侶分手後往往都唔可以做番朋友，甚至仲會刪除曬對方所有慨資訊及聯絡方式，但如果幾年再次見番對方，發覺對方完全變曬，仲靚仔/靚女咗，大家會唔會後悔呢?(網上圖片)