好多人話女人婚後會原形畢露，今次出事慨系一名八十後巴打，名副其實「搞」出個大頭佛，今日凌晨仲痛苦到開po呻爆：「娶個老婆返嚟真系一生中最錯……」
樓主今年三十齣頭，同現任老婆認識個多月就一擊即中有咗BB，不過太太好快就現形：「一開始什麼都說好的，話政府醫院生都好，無奈轉頭非仁安不生……講好喺我媽媽度住……無奈轉頭話已經睇咗單位。」點知有一日老婆仲自爆啱啱借咗財務公司十幾萬，指自己無工作要求巴打幫手還錢。樓主直言已經灰到爆：「都系我自己攞嚟，她再過分再離譜，我都唔可以對她做什麼，因為幫我生了二位孩子，真系諗過分開或離婚，但想到孩子成長問題就無曬計，只好忍。」話就話百忍成金，不過佢就坦言：「成日攞兩個細路威脅，我對她已死了心（以後唔會再行埋）……我索性做和尚好過……」
唔少巴絲睇完都好同情樓主經歷，認為長痛不如短痛，無謂令自己辛苦，又謂單親家庭慨小朋友都可以快樂成長；不過亦有人指佢傻仔，未睇清楚女朋友就搞大個肚。嗱嗱嗱，又一個活生生慨例子擺在眼前，凡事真系要諗清諗楚呀。
有巴打喺今日凌晨痛苦開po，指自己娶咗現任老婆真系一生中最錯！（網上圖片）
樓主今年三十齣頭，同現任老婆認識個多月就搞出人命。（網上圖片）
佢話老婆經常用兩個仔威脅自己。（網上圖片）
有一日老婆仲自爆借咗財務公司十幾萬，指自己無工作要求巴打幫手還錢。（網上圖片）
巴打話如果一早知道老婆為人，索性做和尚都唔會同佢結婚。（網上圖片）
有人覺得只系識咗個幾月根本唔夠。（網上圖片）
最多人勸佢離婚。（網上圖片）