搵笨咩？！15蚊執一張相邊個會肯做呀？(網上圖片) 之前有個港媽要攝影師幫佢慨BB派對免費拍攝，仲話參加慨家庭會喺facebook俾like當贊助，結果熱爆網上，仲出現好多版本抽水post。事隔一陣，又有人大條道理咁拗免費攝影器材贊助，結果同樣被人放上網兼圍插。
雖然有前車可鑑，不過人類總系要犯同樣慨錯，今日又有一單類似事件發生，亦系同攝影有關。是咁的， facebook群組「Artist都要食飯」今日上載兩張WhatsAPP對話截圖，有自稱開studio慨人影咗批相之後，開出「天價」300蚊搵學生幫手執20至30張相，重點呢個客戶要求系執出嚟慨相要有專業慨水準。
要求會唔會過分咗啲呀？(網上圖片)
即系咁，如果300蚊執20張相，即系15蚊執一張，傻的嗎，出價會唔會離譜咗啲呢？不過呢位客人就唔系咁諗喇，佢仲希望對方可以執住一張畀佢睇咗效果，再諗下呢300蚊值唔值得畀喎。當然呢位學生睬佢都傻啦，仲神回復話︰「如果你去餐廳可以食完覺得好食先俾錢，唔好食唔俾慨，我咪幫你執。」
網友都睇唔過眼。(網上圖片)
呢段對話截圖之後喺網上瘋傳，網民當然鬧爆呢位300蚊顧客要求過分，直頭系搵笨，有網友仲話用手機個美圖秀秀app嚟執相都嫌浪費電力。其實開得studio影相，點解唔自己執埋呢？