係呢4年幾內，我搬左5次屋，嚟緊5月又要再搵地方搬屋！真係想死！好煩！
我會講出呢4年幾內所住過嘅地方同點解會搬！
第一次住嗰度係汝州街近太子，有二百二尺，唐5樓，租4千6.而加嚟講算平！不過嗰時係4年幾前！住滿一年，業主話要加9百蚊！所以搵地方搬了！
跟住又搬左去深水埗荔枝角道，有一百五十尺，唐6樓，租，4千！樓梯非常污漕，個地產又成日收多我水，電費，因為個電錶，水錶長期鎖住，每個月應該收多我二百蚊，住滿一年，地產話業主要收返間屋自住！
跟住又搵地方租返汝州街深水埗嗰邊，有電梯，大約160呎租5千，但嗰層有阿叉住，我房近後樓梯，仲有阿叉係度大便，但住滿一年，地產又話業主要加9百蚊租，一百都唔減，唉！
於是又搵地方搬，
今次就搵左楓樹街球場附近，160呎租6千3，係年半前租嘅！租金上升左好多好多！雖然我每次都搬得近，但我嘢多，所以次次都係搵人搬，搬一搬搵人都要三千蚊！加上我每次都係搵地產，日子又難夾，因為啲業主起租最多都係俾3.4日！即係住嗰度未滿又要租新地方，煩死！
今次租嗰度都係唐4樓，不過樓梯就好乾淨！但我住左五個月，隔離成日3.4點先瞓，好嘈！搞到我失眠，住左五個月！今次又搬！
經過今次，我怕左住劏房，於是係附近長沙灣道太子嗰邊租左一個獨立單位，得一百八十呎，但有獨立㕑房，但好細，嗰時衝動租左，成八千蚊，到5月租約又滿了，我又要搵地方搬了，因為八千蚊一個月實在太貴，負擔唔起，加上間屋好多嘢都壞嘅，租時未驗清楚！而加我好煩，我只係想搵個平少，可以住得耐嘅地方！但點解次次業主都加租，一加就要加成千，各位有冇搵屋嘅好意見，例如係邊度搵？業主嗰啲！地產嗰啲！搬屋真係搬到傻左，怕左！？
人均居住面積48呎 少過囚犯
港劏房戶慘過坐監
香港樓價瘋狂，無殼蝸牛隻能蝸居劏房。中大與全港關注劏房平台研究發現，劏房戶的平均租金佔收入比率（租收比）逾四成，劏房戶人均居住面積不足48平方呎，等於懲教署監獄囚倉的人均標準空間。學者指租金持續上升，劏房戶只能越搬越細、租住環境更惡劣、更偏遠的劏房。
■身高1.6米的女士昨示範站在約48呎範圍，伸展雙手，可見劏房戶人均居住面積之狹窄，放置書檯後空間所餘無幾。設計圖片
全港約有8.64萬劏房戶，若以每戶3人計算，即大約有近26萬人居於劏房。中大未來城市研究所土地資源及房屋政策研究中心與全港關注劏房平台，過去半年透過實地測量、訪問租客等方法，研究全港7個區包括觀塘、上環及深水埗，共66個劏房戶的租金、家庭收入和居住面積等。
租金佔收入比率逾四成
研究發現，劏房戶平均租金佔收入比率達百分之41.1，遠高於國際標準租金佔收入三成的比例，也較2013年長策會委託「政策二十一」進行同類的調查增加11.9個百分點。
租金上升，但劏房戶的居住面積「縮水」。研究發現，劏房戶整體人均居住面積只有47.8平方呎，較兩年前同類調查居住人均面積67.6平方呎大減近三成，也比公屋人均居住面積最低標準75平方呎更低。47.8平方呎面積，只等於懲教署監獄囚倉的人均標準空間，或三分一個標準車位，或觀塘新盤觀月．樺峰的兩個半工作平台。而4人及5人劏房家庭的居住環境最惡劣，人均居住面積分別只有約29及約31平方呎。
研究又發現，劏房戶在2013年只需動用約三成收入，就可租住一個約67.6平方呎劏房，但至今年就需動用七成收入，才可以租住面積一樣的劏房。
負責調查的中大未來城市研究所副所長姚松炎教授指，按國際人均居住面積最低標準，美國、日本及台灣一人住戶，平均居住面積最低分別為150、199及141平方呎，但本港劏房戶平均人均居住面積只有約48平方呎，居住環境十分惡劣。他指本港劏房戶面對租金上升問題，只能越搬越細，「連公屋戶嘅最低標準都不如」。
姚松炎又批評政府過往的租收比調查以中位數形式計算，未能反映劏房戶的實際居住問題，更會將影響政策的制訂，「有可能斷錯症落錯藥，搞亂緩急先後」。全港關注劏房平台召集人賴建國倡政府應盡快推出短中長期措施，包括將「非公屋、非綜援住戶生活津貼」恆常化，以及將巿建局的空置單位、及政府部門的空置宿舍，改成過渡性房屋，改善劏房戶的生活狀況，長遠就要增建公屋。
【一個囚犯空間】 懲教署院所標準集體囚倉的人均空間為49.5平方呎
【兩張桌球波檯】 每張23平方呎