唔少女性對婚姻心存幻想，希望搵到個Mr Right共渡一生。噚日就有港女喺討論區開po，指「做老公要有以下條件」，嘩，足足成16項咁多，你又覺得合唔合理呢？
1. 唔怕曱甴 ；2. 清曬食凈低慨嘢；3. 有個小肚腩，攬住會好舒服；4. 只手幾時都咁暖；5. 望到BB仔會傻笑；6. 扮唔記得紀念日，偷偷哋整禮物；7. 對阿媽粗聲粗氣，內心其實好孝順；8. 拎重嘢好似唔使用力咁；9. 認路叻，人肉Google Map； 10. 有錯時願意放下男人尊嚴，主動講對唔住；11. 食辣嘢食到流曬汗都仲大叫：「正呀！」；12. 有幾個隨傳隨到慨好朋友；13. 有一樣擅長慨運動；14. 成日都話：「好易啫，等我嚟啦！」；15.識少少水電；16. 粗口好流利，但從來都唔會講嚟鬧我。
有網友睇完之後認為要加多一項「人肉ATM」，即系金錢無限使；又有人話「唔怕曱甴真系好重要」；不過亦有人指樓主要求多多正港女，又指佢睇「韓劇太多」，先會有呢啲幻想。其實幻想嚇又冇壞慨，不過搵老公最緊要梗系搵個錫自己㗎啦，而樓主竟然冇提到老公要專一喎！咪住先，以上16點咁似講緊史力加慨？
噚日有港女喺討論區開po，指「做老公要有以下條件」。講真，呢16項條件真系好似講緊史力加。(網上圖片)
有網友話要加多項「金錢無限使」。(網上圖片)
亦有人話最鍾意男人夠霸道。(網上圖片)
呢位網友突破盲點，認為史力加最啱樓主。(網上圖片)
當然都有人認為樓主太多幻想。(網上圖片)