小妹今年22歲 係全家最細
對上有1個呀哥 4個家姐 6兄弟姊妹
家庭背景貧窮 皆因媽咪十幾年前已經有精神病 ,
醫生建議爸爸唔好做生意 陪佢多d 從此生活每況愈下 持續多年
到我地6個兄弟姊妹都出嚟返工 生活叫做好少少......
但問題開始來了
媽咪爸爸隨著年紀大 開始身體有毛病
媽咪有精神病加糖尿病 而呀爸因為飲酒太多而要洗腎 .....
講下兄弟姊妹...
大家姐從來唔比家用 從來都無比過 佢已經32歲 ....
係屋企當時鐘酒店咁 返嚟沖涼同瞓
中女一個...我同其他家姐都好憎佢...
上年開始我地已經無同佢講過嘢 ...
二家姐佢有思覺失調 輕度精神病 返唔到工 長期係屋企
三家姐 生性比家用 做政府工 收入算高 做事不過不失。
四家姐 無業中 幾個月前失業 ...之前都會比家用
呀哥 已經搬走咗 不過有時會返嚟睇下我地....
我就讀緊書問政府借關窿.....靠自已part time 養自己.....
有時覺得呢個家好難維繫 ...
屋企無人做家務 得我同三家姐會做,
其他廢物都唔做.我就日日洗碗掃地拖地
有時真係好辛苦....好想好似呀哥咁搬走....
呀媽呀爸有病我唔會怨 ....
但我真係好憎我大家姐 好想佢走...
屋企好似無一個願意照顧呀爸呀媽...
真係好辛苦