香港現在成日都有電話騙案，而且騙徙手法層出不窮，搞到「慈母」都要向全港市民發短訊提防電話騙案。今日網上又瘋傳多張WhatsApp對話內容截圖，講有人隨機發短訊行騙，指「如果你幫我手整啲嘢，我即日比6皮(萬)你」，點知呢個騙徙行騙不成，仲被港女玩番轉頭。
從呢大堆對話截圖中所見，騙徒指於討論區得知網友電話，指希望絲打「幫人嚟香港」，同絲打講「唔會對你有影響的」，仲約絲打出來見面再講詳情。咁絲打都估到呢單系騙案，當然問到底，最後該騙徒就話「簽證嗰啲，搞掂即刻比(畀)錢你。」絲打就問系咪同人假結婚，騙徒就答「類似」，不過呢樣嘢喺香港系犯法喎。
最後騙徙相約絲打喺旺角朗豪坊見面，仲叫絲打帶齊回鄉證同住址證明核對系咪香港人。起初呢位絲打話自己已到朗豪坊，之後再話肚痛去廁所，轉頭再叫騙徒:「幫我去便利店買張$1000 iTunes卡!」呢句系咪似層相識呢？咪之前騙徒喺電話騙案中慣用的行騙手法囉！而最後絲打愈玩愈大，聲稱自己喺超市買水時被手推車撞到「飛起咗」，仲話:「你有冇膠布，我流血不止，我諗貼咗膠布會即刻好返。」呢個時候騙徒終於醒覺被絲打玩緊，之後咪爆粗插網友囉，仲po埋絲打fb 資料截圖恐嚇對方小心出門，又指佢電話系絲打朋友畀，最後仲話︰「你鋪頭同我唔系好遠姐，我一定經常幫襯你。」不過絲打就冇有怕，仲叫騙徒放馬過來。
唔少網友睇完呢個po，都贊絲打好有「吉士」，有網友仲話都收到呢個騙徒慨短訊。至於呢個騙徙之後當然被起底，fb被網友po咗出嚟，有網友見到個fb話騙徒系佢學弟，指對方影衰曬。而有人就發現騙徒WhatsApp的頭像已由男仔相轉咗做女仔相。不過下次遇到呢啲騙案，大家唔好忘記搵「慈母」喎！
如果遇到有陌生人send 呢啲短訊畀你，會點做？(網上圖片)
絲打是咁做的。(網上圖片)
騙徒行騙不成咪發難渣囉！(網上圖片)
有網友發現騙徙WhatsApp頭像由左圖轉了右圖。(網上圖片)
絲打夠創意，重點系亦有網友成為「幸運兒」。(網上圖片)