唉...
大年初三赤口，係銅鑼灣同bf嘈左2句
之後自己走左去某日資百貨公司地庫的超級市場hea
周圍睇下野，hea下
心情已經好down
之後在麵包部買麵包
見到有個男人鬼鬼祟祟跟住哂
我行去邊就跟到邊
之後我行去俾錢，見佢跟住
我就特登行返出去，扮哂再睇其他野，唔俾錢住
估唔到佢又跟住！！
雖然佢跟住哂，但我唔知佢想做咩
點知就呢個時候
有3，4個保安衝過黎
捉住個賤男，大聲話：
小姐，我見到佢偷拍你裙底
（
出面d人即刻望入黎...好瘀呀）
之後佢地就報警...之後去左警局攪左一大輪野....
好彩我有著厚黑色絲襪....所以影唔到d咩....
原來個賤男已經拍左一段時間，
同埋已經影左好幾個人
所以d保安跟住佢....
好感謝保安們
賤男將個手機放在購物籃
購物籃再放d貨品
然後就不斷拍片....
如果唔係佢行為古怪
其實真係好難發覺佢偷拍....
呢個時代....好多變態....
各位姐妹要小心d呀！！！