我男朋友係印度人, 佢原本住新德里, 不過黎香港做野,
而家係香港某間大公司做高層,
果陣係因為公事關係先識左佢,
咁傾落大家好夾, 好多睇法都差唔多,
之後就好順理成章咁係埋左一齊,
其實我已經同佢一齊左差唔多3年, 但一直都冇同屋企人講,
男朋友都好體貼, 冇話一定要我地公開關係,
不過上次去尖沙咀行街果陣撞到個八婆親戚,
同佢打左招呼, 佢係我面前就冇乜野講嘅,
但好快我同個印度人拍拖嘅消息就傳遍所有親戚都知-.-
早幾日返左屋企, 屋企人都問我件事係咪真,
我就話係, 仲同佢有結婚打算,
但點知我老豆勁反對, 話唔要有外國佬做佢女婿...
我依家真係左右做人難,
又唔想比男朋友知我老豆唔接受佢, 另一方面又要tum掂個老豆,
唉, 好煩!!