「估唔到 Beijing 會執笠，以後 weekend 又少咗個地方去」
得悉 Beijing club 倒閉的消息後，在高級餐廳裡的 Veronica 忙著打卡和將擠出事業線的自拍照片放上網之餘，也加上了這段圖文不符得來帶點感觸的文字。
「Veronica 你有蒲開 Beijing？」，同桌的一位友人問起。
「間中都會同朋友去玩嚇，relax 嚇既」，Veronica 刻意避開個「蒲」字，而說成是「玩」、「relax」。
「Beijing 執得咁突然，就好似啲衰男人咁樣，粒聲唔出就走咗去」
一直都是收兵耍男人，從未被男人傷害過的 Veronica，卻自覺如悲情電影中的女主角，幻想著天下男人都是賤男。可能只有這樣，才能讓自己有個藉口繼續「玩」。
稍為對夜店有些少認識的人都知道，去蘭桂坊「蒲」，包含的其實是一連串的活動，舉杯暢飲、漆黑調情、貼身熱舞、直落有下文。人間妖域，絕非浪得虛名。落老蘭「蒲」，聽起來帶點胡混、不正經的感覺，oh it’s so cheap。如用上「玩」和「relax」，就輕鬆健康得多，如年輕的白領精英下班後紓解工作壓力的社交活動，「Work hard , Play hard」感覺很時尚、很 New York。雖然很多出入蘭桂坊的女生平日都非 Work hard 之人，生活並沒甚麼壓力，她們只顧著 Play hard，和令男人「Get hard」。
「Veronica 你又去蘭桂坊個度蒲呀？」，完了聚會後一位舊同學問起。
「約咗朋友去個度啲 Pub 跳舞，飲嚇野，傾嚇計啫」，蘭桂坊的夜店裡這麼嘈都可以傾到計，聽力真好。
「你著到咁性感，唔怕俾屋企人知咩？」
「咁出街玩梗係要著靚啲架啦，而且我都係同朋友去玩啫，我屋企人都知我好乖，唔會擔心我既」
舊同學因 Veronica 的一身低胸摟Ｘ裙而去妄作評價，太膚淺了，人家可是很乖的喲。而三個小時後，很乖的 Veronica 就會在夜店裡與六尺猛男大跳辣身舞，上下其手。讓家人知道？你認為呢？
「同朋友聚會既，其實食飯唱Ｋ都得啫，或者要飲野傾計都可以去啲清Bar，點解要去蘭桂坊啲 Pub？」
「咁 Pub 人多，熱鬧啲，仲可以識嚇新朋友呀嘛」，結識那些一晚激情過後連名字都不會記得的朋友，真是交遊廣闊。
「個啲地方咁雜，你唔怕危險咩？之前有個女仔飲醉咗之後俾人輪流執屍，仲影咗相 post 哂上網」
「唔通要斬腳指避沙蟲咩，出街都有機會比咸濕佬非禮啦」
似乎她將「出街」與「去夜店」視為同等的事，不過要清楚，「出街遇上咸濕佬」是有可能發生，但在夜店被人抽水，就可說是一定會發生。甚至被人灌醉、落藥的機會，都比「出街遇上咸濕佬」大得多。「出街」與「去夜店」完全是兩碼子的事，但總有人會混為一談，那當然這些人可能一出街就是去夜店。
「成日出入呢啲地方，你唔驚俾人話係公廁？」
「我都係去玩嚇 relax 嚇啫，又唔係做啲咩，你地啲男人就係咁賤格，自己就開放，但又要求女仔保守」
公廁、免費雞，這類詞彙對女性來講很敏感。如果說「蒲」就等於是公廁、免費雞，這是父權社會對女性的刻板印象。濃妝艷抹，性感裝束的「戰鬥格」就代表想俾仔圍、博人抽水以換取虛榮心的姣婆四，更是傳統男性霸權的守舊觀念。一眾出沒於蘭桂坊，身穿低胸摟Ｘ裙的女士，正正是以行動推翻香港社會的父權主義，捍衛著「我蒲，但我唔係公廁」的核心價值，就算一情，也是爭取性愛自主的現代女性權益，正如男士一樣可以高呼「我睇四仔，但我唔係咸濕仔」。
你不服？Who care，別管她身體是否誠實，只要她口裡先說不，就已企硬了她的立場。她們隨便攬仔，任人摸，晚晚有下文，天知地知，你知我知，但就是不許你說出「公廁」這兩個字。怎麼樣？吃不到的葡萄？她們說夜蒲不一定是壞事，有些不夜蒲的人，可能私底下男女關係更亂。你說她們強詞奪理？她們以事業線守護著夜蒲的權利，反抗著說她們是公廁免費雞的臭男人，堅拒物化女性的社會歪風。在我眼中，她們就是代表蘭桂坊的聖女貞德。
啊對了，以後夜蒲之餘，請不要說甚麼沒有真愛或「天下男人都是賤」，因為聖女貞德打敗仗是不會將責任推卸給別人的。