諗住食一間小店的大盤雞 & 肉夾饃,
點知老闆娘話佢地就嚟結業, 得返佢一個人,
做唔嚟, 好多野食都無整, 只係得幾款有,
所以落力推介我地食$28 自助餐..
佢原先2串牛肉串已經要$28 ..
但依家可以任食
佢得一張摺檯仔放食物. 整好一樣就放一樣出嚟.
有手抓餅, 烚菜, 咖哩魚蛋, 煙肉, 天山雪菊茶 etc
由於我坐店外, 啲野食一出就比店內嘅人拎曬..
咩牛肉串,雞翼我連影都見唔到..
老闆娘知我地乜都搶唔到就拎左2塊剛烘好的手抓餅比我地, 之後再比多碟8粒餃子, 5條羊肋骨比我地 (2人)..
仲私人醒咁一大碗羊湯..
之後仲拎左碗麵嚟 (雖然乜餸都無)
我地話飽, 佢居然反問 : 下 ? 咁快飽?
我問老闆娘$28 比人任食咁咪蝕曬本囉?
點知佢好開心咁話佢唔介意..
感覺到老闆娘好有心 ..
真係當啲街坊係朋友咁